Carmelo Carmet

Na Galipedia, a Wikipedia en galego.
Saltar ata a navegación Saltar á procura
Carmelo Carmet
Nacemento29 de outubro de 1904
 París
Falecemento22 de xullo de 2007
 Buenos Aires
SoterradoCemitério da Recoleta
NacionalidadeArxentina
Ocupaciónesgrimista e avogado
editar datos en Wikidata ]

Carmelo Félix Camet, nado o 29 de outubro de 1904 e finado o 22 de xullo de 2007, foi un tirador de esgrima arxentino, gañador dunha medalla olímpica.

Traxectoria[editar | editar a fonte]

Fillo do tirador Francisco Carmelo Camet, que competira nos Xogos Olímpicos de 1900, comezou a practicar esgrima de neno guiado por seu pai. Estudante de dereito, en 1922 representou a Arxentina nas denominadas Olimpiadas Latinoamericanas, celebradas con motivo do centenario da declaración da independencia do Brasil, e a Arxentina foi a primeira en espada, florete e sabre. En 1926 gañou o campionato arxentino, e estivera a piques de ir ás Olimpiadas de 1924 pero si fixo parte da delegación arxentina nos Xogos Olímpicos de 1928, como suplente no equipo de florete composto por Roberto Larraz, Luis Lucchetti, Raúl Anganuzzi e Héctor Lucchetti. Non participou nas dúas primeiras roldas, pero substituíu a Héctor Lucchetti no enfrontamento con Bélxica e en todos os seguintes. O equipo gañou a medalla de bronce.