Carmen Blanco Ramos

Para outras páxinas con títulos homónimos véxase: Carmen Blanco.

Carmen Blanco Ramos

Biografía
Nacemento	2 de xuño de 1957 (66 anos) Vilar de Céltigos, España
Datos persoais
País de nacionalidade	España
Educación	Universidade Complutense de Madrid
Actividade
Ocupación	escritora , filóloga
Lingua	Lingua galega

Carmen Blanco Ramos, nada en Vilar de Céltigos (Grixoa, Santa Comba) o 2 de xuño de 1957, é unha escritora galega.

Traxectoria

Viviu desde 1968 en Madrid, onde se formou académica e culturalmente. Estudou filoloxía na Universidade Complutense de Madrid. Os inicios literarios producíronse cos contos publicados no suplemento cultural “O espello” de A Freita. Revista da lingua e da cultura galega de Asturias. Porén, é coñecida pola súa novela A golpe de dor publicada pola editorial 3C3.

Publicou varios relatos e artigos de crítica literaria en Madrygal. Revista de estudios gallegos, A Freita e Grial. En 2001 regresou a Galicia. Reside en Vilar de Céltigos.

Obras

Narrativa

• A golpe de dor, 2002, 3C3 Editores.

Ensaio

• O volframio en Varilongo. Santa Comba de Xallas (1941-1963), 2016, Xerais.

Participación en libros colectivos

• Muller de doce sal. Homenaxe a Inés Canosa (2000)
• Ex toto corde. No oitenta aniversario de don Xesús Alonso Montero (2009)
• Pontevedra Literaria (2007; edición)

Véxase tamén

Bibliografía

• Acuña, Ana (2007). Madrigalegas ou escritoras galegas en Madrid: Tres tempos e a esperanza. Actas do VII Congreso Internacional de Estudos Galegos. Mulleres en Galicia. Galicia e os outros pobas da península (28 ó 31 de maio de 2003). Helena González Fernández e María Xesús Lama López (coords.). Barcelona. pp. 19–31. 

Ligazóns externas

• Carmen Blanco Ramos Arquivado 27 de novembro de 2018 en Wayback Machine., na páxina web de Edicións Xerais de Galicia.
• Carmen Blanco Ramos na páxina web da Asociación de Escritoras e Escritores en Lingua Galega.^{[Ligazón morta]}