Carlos Valcárcel Riveiro
  | |
| Biografía | |
|---|---|
| Nacemento | 3 de setembro de 1972 (52 anos) Mourente, España |
| Educación | Universidade de Santiago de Compostela |
| Actividade | |
| Ocupación | filólogo, profesor universitario, creador de contido dixital |
| Empregador | Universidade de Vigo |
| Membro de | |
      | |
Carlos Valcárcel Riveiro, nado en Mourente (Pontevedra) o 3 de setembro de 1972, é profesor na Universidade de Vigo, experto en Lingüística Francesa, Didáctica das linguas estranxeiras e Lexicografía.
Traxectoria
[editar | editar a fonte]Profesor de Didáctica do Francés na Facultade de Ciencias da Educación e do Deporte de Pontevedra na Universidade de Vigo, é Doutor en Filoloxía Románica dende 2007. Imparte docencia en varios mestrados, entre os que se atopa o Mestrado Erasmus Mundus en Lexicografía (EMLex)[1], é membro da rede de Lexicografía RELEX[2] e do grupo de investigación dos proxectos PORTLEX[3], MultiGenera[4] e MultiComb[5].
As súas áreas de interese son múltiples e variadas: é experto en Sociolingüística, traballa na área do PLN e avoga pola implantación das ferramentas informáticas en todos os ámbitos da Ciencia (especialmente no campo da Lingüística e da Lexicografía) e da Docencia. Proba diso son os seus traballos no eido da Lexicografía colaborativa, alén dos seus esforzos por promover a participación de persoas expertas e alumnado en iniciativas como as edicións do HACKFEST: Edita pa' diante (2018) e Dicionariando (2019).
É compositor e vocalista no grupo de música electrónica Projecto Mourente.
Obras
[editar | editar a fonte]- Escritos sobre lexicografía plurilingüe especializada (ed. xunto con Terencia Silva). Granada: Comares, 2016.
- Lexicografía de las lenguas románicas II. Aproximaciones a la lexicografía moderna y contrastiva (ed. xunto con María José Domínguez Vázquez, Xavier Gómez Guinovart). Berlín: De Gruyter, 2015.
- Points de vue sur la complémentation (éd. avec Antoine Gautier, Laura Pino Serrano). Bruxelles: Duculot, 2014.
- ComplémentationS. Avec Antoine Gautier, Laura Pino Serrano. PIE-Peter Lang, 2014.
- Xeolingüística da periferia románica atlántica: linguas e lugares. [Recurso electrónico] [Santiago de Compostela]: Universidade de Santiago de Compostela, Servizo de Publicacións e Intercambio Científico, 2008.
- Do rural ao urbano. Tentativa dunha analise xeolingüística do concello de Pontevedra. Pontevedra: Servizo de Publicacións, Deputación Provincial de Pontevedra, 2002.
- Desenvolvemento urbano e difusión xeolingüística: algúns apuntamentos sobre o caso galego. Santiago de Compostela: Servizo de Publicacións da Universidade de Santiago de Compostela, 1997.
Notas
[editar | editar a fonte]- ↑ "Mestrado Erasmus Mundus en Lexicografía - Mestrado Erasmus Mundus en Lexicografía - USC". www.usc.es. Consultado o 2019-11-14.
- ↑ "Red de lexicografía – Red de grupos de investigación sobre lexicografía" (en castelán). Arquivado dende o orixinal o 13 de xaneiro de 2023. Consultado o 2019-11-14.
- ↑ "PortLex". PortLex (en inglés). Consultado o 2019-11-14.
- ↑ "MultiGenera". PortLex (en inglés). Consultado o 2019-11-14.
- ↑ "MultiComb". PortLex (en inglés). Consultado o 2019-11-14.
Véxase tamén
[editar | editar a fonte]Ligazóns externas
[editar | editar a fonte]- Sitio web da Universidade de Vigo
- Sitio web de PORTLEX
- Sitio web da Rede de Lexicografía RELEX Arquivado 13 de xaneiro de 2023 en Wayback Machine.
- Sitio web do Mestrado Erasmus Mundus en Lexicografía EMLex Arquivado 04 de decembro de 2019 en Wayback Machine.
- Sobre o Projecto MourenteArquivado 21 de outubro de 2020 en Wayback Machine.
