Calvin Murphy
| Calvin Murphy | |
|---|---|
 | |
| Posición | Base |
| Dorsal | 23 |
| Altura | 1,75 m (5 ft 0 in) |
| Peso oficial | 75 kg (165 lb) |
| Nacemento | 9 de maio de 1948 (75 anos) Norwalk, Connecticut
|
| Carreira | |
| Instituto | Norwalk (Connecticut) |
| Universidade | Niagara (1967–1970) |
| NBA Draft | 1970 / Rolda: 2 / Elección: 18 Por San Diego Rockets |
| Tempadas | 1970–1983 |
| Equipo(s) | |
| |
| Estatísticas (NBA) | |
| Puntos | 17 949 (17,9 pp) |
| Asistencias | 4 402 (4,4 pp) |
| Roubos | 1 165 (1,5 pp) |
| Stats @ Basketball-Reference.com | |
| Premios | |
| |
| Basketball Hall of Fame como xogador | |
Calvin Jerome Murphy, nado o 9 de maio de 1948 en Norwalk, Connecticut, é un ex xogador profesional de baloncesto estadounidense que xogou durante os seus trece anos de carreira nos San Diego / Houston Rockets da National Basketball Association (NBA). Actualmente traballa no equipo de televisivo de Root Sports dos Rockets. Cunha altura de 1,75 m, Murphy é o xogador máis baixo en formar parte do Basketball Hall of Fame e en participar nun All-Star.
Traxectoria[editar | editar a fonte]
Universidade[editar | editar a fonte]
Nado en Norwalk, Connecticut, Calvin Murphy estudou na Universidade de Niágara durante tres anos, sendo elixido no primeiro equipo All-America en dúas ocasións e unha no segundo. Anotou 2.548 puntos nos 77 partidos que disputou (33,3 puntos por partido),[1] unha das mellores marcas da historia da NCAA. Curiosamente a súa mellor tempada foi a de novato, na cal fixo unha media de 38,2 puntos por encontro.
Profesional[editar | editar a fonte]
A pesar desas cifras na súa etapa universitaria, e quizais por militar nunha universidade de segunda fila, non foi elixido no Draft da NBA de 1970 até a primeira posición da segunda rolda (posto 18 total), polos San Diego Rockets, equipo que ao ano seguinte se mudaría á cidade texana de Houston. Na súa primeira tempada, tras facer 15,8 puntos e 4 asistencias por partido, foi incluído no mellor quinteto de rookies. Durante as súas trece temporadas como profesional foi acumulando récords do seu momento, como o de mellor porcentaxe de tiros libres da historia da liga cando conseguiu un 95,8% (206 de 215 tiros libres). Tamén foi o máximo anotador histórico dos Rockets, até a chegada de Hakeem Olajuwon. Conseguiu chegar ás Finais da NBA en 1981, perdendo ante os Boston Celtics en 6 partidos. No total da súa traxectoria profesional, fixo unha media de 17,9 puntos e 4,4 asistencias por partido, cun 89,2% en tiros libres. En 1993 foi incluído no Basketball Hall of Fame.
Notas[editar | editar a fonte]
- ↑ "Calvin Murphy Bio". NBA.com (en inglés). Consultado o 10 de novembro de 2015.
Véxase tamén[editar | editar a fonte]
Ligazóns externas[editar | editar a fonte]
- Biografía en NBA.com
- Estatísticas en Basketball Reference Arquivado 21 de xuño de 2007 en Wayback Machine.
