Cabo Trafalgar

Vista do Cabo Trafalgar

Vista parcial da praia de Los Caños de Meca e o faro do cabo Trafalgar ao fondo.

O cabo de Trafalgar (do árabe: رأس الطرف الأغرّ Taraf al Ghar, o cabo da cova) é un cabo español pertencente ao termo municipal de Barbate, situado na costa atlántica da provincia de Cádiz, en Andalucía.

Trátase dun pequeno illote situado entre as enseadas de Conil e Barbate unido ao continente por un dobre tómbolo de area, que se considera o extremo noroccidental do estreito de Xibraltar. Nel hai un faro e restos arqueolóxicos dunha factoría romana de salgaduras e dun asentamento hispano-musulmán.

Nas súas inmediacións tivo lugar o 21 de outubro de 1805 a soada batalla de Trafalgar, na que a escuadra franco-española foi derrotada pola inglesa ao mando do almirante Nelson.

Forma parte da Rede de Espazos Naturais Protexidos de Andalucía (RENPA), coa categoría de monumento natural e baixo o nome de Tómbolo de Trafalgar.

Véxase tamén

Ligazóns externas

• Monumento Natural Tómbolo de Trafalgar Arquivado 18 de novembro de 2013 en Wayback Machine. (en castelán)
• Cabo Trafalgar Cádiz Turismo (en castelán)