Cabaret Voltaire (novela)
Cabaret Voltaire | |
---|---|
Autor/a | Santiago Jaureguizar |
Orixe | Galicia |
Lingua | Lingua galega |
Xénero(s) | Narrativa |
Editorial | Editorial Galaxia |
Data de pub. | Novembro de 2005 |
Formato | Tapa branda con lapelas |
Páxinas | 188 |
ISBN | ISBN 84-8288-845-5 |
[ editar datos en Wikidata ] |
Cabaret Voltaire é unha novela en lingua galega de Santiago Jaureguizar, publicada en novembro de 2005 por Editorial Galaxia. A obra gañou o Premio García Barros dese mesmo ano.
Trama[editar | editar a fonte]
Wilhelm Kurtz é un enxeñeiro alemán, que chega a Ribadeo no buque Martin Lauer para controlar o porto comercial da vila, en Porcillán, onde chega o tren procedente das minas de Vilaoudriz.
O cónsul ruso en Ribadeo dille que a OGPU quere que consiga o diadema de Ribadeo, un dos tesouros que o réxime nazi está a espoliar dos poboados castrexos cara ao Museum Für Völkerkunde de Berlín. O diadema é especialmente apreciada polos seus gravados bélicos de guerreiros celtas. O cónsul ruso refírese a Kurtz como Borislav Kursk, nome que lle deron de neno en San Petersburgo, se ben é de orixe francesa, e chamábase Guillaume Crôute.
Á súa vez ponse en contacto con el o delegado do partido nazi, Ernst Schäfer, que é tamén propietario do cabaré Cabaret Voltaire, de nome igual ao creado en 1916 en Zúric e frecuentado polos dadaístas. A través del, coñece a Nuria, unha serea que nada nun estanque do cabaré. Por outra banda, contacta tamén con el Fermín Bornes, o farmacéutico da vila e cónsul británico, que logo de chamarlle William Curst dálle unha carta do MI5, o servizo de intelixencia británico, para que colla o diadema.
Kurtz muda a xoia por unha falsificación que lle dera o cónsul ruso, pero non lle dá o orixinal, senón que queda con el. Farto das presións a tres bandas, escapa con Nuria a Berlín, a casa do irmán del. Alí viven a segunda guerra mundial, a división da cidade e a posterior caída do Muro de Berlín. Finalmente, xa maiores, despídense da cidade e regresan a Ribadeo, onde Kurtz morre, e Nuria volve ao mar.
Narración[editar | editar a fonte]
A obra está escrita en terceira persoa con narrador omnisciente. A trama desenvólvese principalmente en Ribadeo e Berlín, entre a década de 1930 e o fin de milenio.
Véxase tamén[editar | editar a fonte]
Ligazóns externas[editar | editar a fonte]
- Ficha na web da editorial.