Complex instruction set computing

Na Galipedia, a Wikipedia en galego.
(Redirixido desde "CISC")
Diagrama dun procesador.

En arquitectura computacional, CISC (do inglés, Complex Intruction Set Computer, en galego, Computador con Conxunto de Instrucións Complexas) é un modelo de arquitectura de computadores.

Os microprocesadores CISC teñen un conxunto de instrucións que se caracteriza por ser moi amplo e permitir operacións complexas entre operandos situados na memoria ou nos rexistros internos, en contraposición á arquitectura RISC.

Este tipo de arquitectura dificulta o paralelismo entre instrucións, polo que, na actualidade, a maioría dos sistemas CISC de alto rendemento implementan un sistema que converte ditas instrucións complexas en varias instrucións simples do tipo RISC, chamadas xeralmente microinstrucións.

Prototipo XC68000, chip fabricado en 1979.

Os CISC pertencen á primeira corrente de construción de procesadores, antes do desenvolvemento dos RISC. Exemplos deles son: Motorola 68000, o Zilog Z80 e toda a familia Intel x86, AMD x86-64 usados na maioría dos ordenadores persoais actuais.

Hai que facer notar con todo que a utilización do termo CISC comezou tras a aparición dos procesadores RISC como nomenclatura despectiva por parte dos defensores/creadores destes últimos.