Cátedra de Feminismos 4.0
A Cátedra de Feminismos 4.0 foi creada no ano 2019 pola Universidade de Vigo en colaboración coa Deputación de Pontevedra co obxectivo de introducir a mirada feminista na nova sociedade dixital.[1] As funcións desta cátedra son por unha parte visibilizar a académicas e profesionais destes ámbitos que sirvan de referentes ás rapazas, para lograr que as mulleres participen dunha forma progresiva nas grandes decisións económicas, sociais, ambientais, e de transformación política que afectan ao planeta. E por outra parte, fomentar os recursos tecnolóxicos inclusivos e igualitarios, para aumentar a presenza feminina en todos os ámbitos da intelixencia dixital, e combater o machismo dixital.[2]
Traxectoria[editar | editar a fonte]
Dende a Cátedra de feminismos impulsáronse distintas iniciativas como as xornadas Hackeando o patriarcado que contan xa con dúas edicións,[3] os Premios GirlGeekCovid, unha iniciativa que busca incentivar, apoiar e fomentar os estudos STEM entre mulleres,[4] axudas de investigación [5] e a creación do Comité de Sabias, para orientar a posta en marcha de accións que impulsen unha maior visibilidade e participación das mulleres na ciencia e na tecnoloxía.[6]
En 2023 publicouse o primeiro número da revista Gender on Digital. Journal of Digital Feminism, "de periodicidade anual, nace coa vocación de xerar e difundir coñecementos científicos de excelencia mediante a relación entre ciencia, tecnoloxía e sociedade. A finalidade é construír un espazo de reflexión científica crítica arredor das transformaciónsda sociedade vinculada coa irrupción das novas tecnoloxías da comunicación e a conseguinte dixitalización de todasas esferas da vida no eido da enxeñaría, a tecnoloxía, a informática, a economía, a socioloxía, as ciencias políticas, a antropoloxía, as humanidades, a ecoloxía, a comunicación e a educación científica e tecnolóxica, á luz da dinámica de xénero".[7]
Notas[editar | editar a fonte]
- ↑ "Cátedra de feminismos 4.0". Universidade de Vigo. Consultado o 29/11/2020.
- ↑ Redacción (20/7/2020). "Os pasos pioneiros da Universidade de Vigo cara á igualdade real na investigación". GCiencia. Consultado o 21/3/2021.
- ↑ Sarasketa, Fernando. "A Cátedra de Feminismos 4.0 comeza decembro cunha nova xornada para hackear o patriarcado". Código Cero. Consultado o 30/11/2020.
- ↑ Varela, María (12/02/2021). "A UVigo e a Deputación recoñecen a catro alumnas como referentes STEM". Diario de Pontevedra (en castelán). Consultado o 21/3/2021.
- ↑ Pérez Pena, Marcos (2/3/2021). "Twitter e outras redes sociais, "un territorio hostil para as mulleres", especialmente as políticas e xornalistas". Praza.gal. Consultado o 21/3/2021.
- ↑ Redacción. "O Comité de Sabias fúndase no acceso igualitario ao eido dixital". Nós Diario. Consultado o 21/3/2021.
- ↑ Directivo, Equipo (2023-12-13). "Prólogo". Gender on Digital. Journal of Digital Feminism (en castelán) 1: 5–8. ISSN 3020-4410. doi:10.35869/god.v1i.5059.