Bush (grupo musical)

Na Galipedia, a Wikipedia en galego.
Saltar ata a navegación Saltar á procura
Bush
Bush grsATX.jpg
OrixeLondres, Inglaterra Inglaterra
Período1992 - 2002
Xénero(s)rock alternativo, post-grunge, grunge
Selo(s) discográfico(s)E1 Music, Kirtland, SPV, Atlantic, Trauma, Interscope, Zuma Rock Records
MembrosGavin Rossdale
Robin Goodridge
Chris Traynor
Corey Britz
Antigos membrosNigel Pulsford
Dave Parsons
Sacha Gervasi
Amir
Spencer Cobrin
Páxina webhttp://bushofficial.com/

Bush é unha banda inglesa de rock alternativo formada en Londres en 1992 pouco despois de que o guitarrista e vocalista Gavin Rossdale e o guitarrista Nigel Pulsford se coñecesen. Ao pouco tempo recrutaron ao baixista Dave Parsons, posteriormente ao batería Robin Goodridge, e comezaron a compoñer. Dave Parsons uníuse a Bush pouco despois de deixar Transvision Vamp. Baterías como Sacha Gervasi, Amir e Spencer Cobrin ocupáronse das baquetas antes de que Robin Goodridge quedase como membro permanente completando a formación.

O grupo atopouse co éxito tras a edición do seu álbum de estrea Sixteen Stone en 1994, que foi certificado 6 veces platino pola RIAA. Bush sería unha das bandas de rock máis exitosas comercialmente dos 90, vendendo máis de 10 millóns de discos nos Estados Unidos. A pesar do seu éxito nos Estados Unidos, a banda foi menos coñecida no seu propio país e conseguíu só un éxito marxinal alí. Bush tivo numerosos sinxelos no top ten das listas da Billboard, e un número 1 con Razorblade Suitcase en 1996. O grupo separouse en 2002, pero reuníuse en 2010 e comezou a traballar nun novo álbum, The Sea of Memories, que foi editado en setembro de 2011.

O grupo elixiu o nome "Bush" porque vivían na área londinense de Shepherd's Bush.

En Canadá chegou a ser coñecida como Bushx, xa que a banda dos 70 Bush, liderada por Domenic Troiano, posuía os dereitos do nome nese país. En abril de 1997, anunciouse que Troiano aceptara permitirlles usar o nome de Bush en Canadá sen o x, a cambio dunha doazón de 20.000 dólares tanto á Starlight Children's Foundation como á Canadian Music Therapy Trust Fund.

Discografía[editar | editar a fonte]

Álbum Ano Selo
Sixteen Stone 1994 Trauma/Interscope/Atlantic
Razorblade Suitcase 1996 Trauma/Interscope
The Science of Things 1999 Trauma/Interscope
Golden State 2001 Atlantic
The Sea of Memories 2011 Zuma Rock Records
Man on the Run 2014 Zuma Rock Records
Black and White Rainbows 2017 Zuma Rock Records

Véxase tamén[editar | editar a fonte]

Ligazóns externas[editar | editar a fonte]