Boyan Slat

Na Galipedia, a Wikipedia en galego.
Boyan Slat
Nacemento27 de xullo de 1994
Lugar de nacementoDelft
NacionalidadeReino dos Países Baixos
Alma máterUniversidade Técnica de Delft
Ocupaciónemprendedor, ecoloxista e inventor
PremiosChampions of the Earth, European of the Year, Premio Index, Heyerdahl Award, Dutchman of the Year e Prince of Girona award
Na rede
http://boyanslat.com
Facebook: boyanslat Instagram: boyanslat Editar o valor em Wikidata
editar datos en Wikidata ]

Boyan Slat, nado en Delft o 27 de xullo de 1994,[1][2] é un inventor e emprendedor neerlandés. É estudante de Enxeñaría Aeroespacial.[3][4] Os seus pais son croatas da rexión de Istria.[5][6]

Traxectoria[editar | editar a fonte]

Slat creou proxectos de enxeñaría e construción dende que tiña 2 anos. Á idade de 14 anos, conseguiu un récord Guinness cando lanzou 213 foguetes de auga de xeito simultáneo.[7][8]

Interese na contamiación dos plásticos[editar | editar a fonte]

En 2011, cando tiña 16 anos, Slat atopou máis plásticos que peixes durante unha sesión de mergullo en Grecia. Consagrou un proxecto do instituto para investigar en profundidade a contaminación que o plástico xeraba nos océanos e por qué se consideraba imposible limpialo. Tempo despois, xurdiu a idea de construír un sistema pasivo que empregase as correntes mariñas ó seu favor. Presentou o proxecto durante un faladoiro TED en Delft en 2012.[9][10]

Slat abandonou os seus estudos en Enxeñaría Aeroespacial na Universidade de Tecnoloxía de Delft para investir todo o seu tempo no desenvolvemento do seu novo proxecto. Fundou The Ocean Cleanup en 2013, e pouco despois, a súa conferencia en TED converteuse nun fenómeno viral.

"A tecnoloxía é o axente máis potente de cambio. É un amplificador das nosas capacidades humanas", dixo Slat para The Economist.

The Ocean Cleanup[editar | editar a fonte]

En 2013, Slat fundou a entidade sen ánimo de lucro chamada The Ocean Cleanup, da que é agora CEO.[11] O obxectivo de The Ocean Cleanup é desenvolver tecnoloxía avanzada que axude a eliminar os plásticos do océano.[12] Logo da súa fundación, The Ocean Cleanup conseguiu 2,2 millóns de dólares a través dunha campaña de financiamento colectivo na que colaboraron 38 000 doantes de 160 países.[13] En xuño de 2014, The Ocean Cleanup publicou un estudo de viabilidade composto de 528 páxinas sobre o potencial do proxecto.[14]

Dende os comezos de The Ocean Cleanup, a organización conseguiu 31,5 millóns de euros en doazóns de emprendedores en Europa e en Silicon Valley, incluíndo a Marc Benioff, CEO de Salesforce. Boyan Slat estima que, coa creación de novos deseños e cuns custos mínimos, nun prazo de 5 anos limparase por completo a illa de lixo do Pacífico.[15] O proxecto comezará a mediados de 2018 coa instalación dun dos sistemas e progresivamente iranse engadindo o resto dos sistemas até que se acade a implantación completa en 2020.[15]

Galardóns e recoñecementos[editar | editar a fonte]

En novembro de 2014, Slat foi galardoado polo Programa das Nacións Unidas para o Medio Ambiente co premio Campións do Planeta. En 2015, o rei Harald V de Noruega concedeule o premio de mozos emprendedores. Forbes incluíu a Slat na súa lista de 206 de 30 mozos menores de 30 anos. Slat foi escollido como Thiel Fellow (membro de Thiel). O programa comezou en 2011 grazas a Peter Thiel, investidor e cofundador de Paypal. Concede 100.000$ a emprendedores menores de 22 anos que pospoñen os seus estudos para traballar na súa nova empresa. En febreiro de 2017, Reader's Digest sinalou a Boyan Slat como Europeo do Ano.

Notas[editar | editar a fonte]

  1. Finger, Tobias (24 de xuño de 2014). WiWo Green, ed. "The Ocean Cleanup – Dieser Student will die Weltmeere vom Plastikmüll befreien" (en alemán). Arquivado dende o orixinal o 03 de marzo de 2016. Consultado o 24 de abril de 2018. 
  2. Winter, Caroline (16 de setembro de 2014). Bloomberg Businessweek, ed. "This Dutch Wunderkind Now Has the Funds to Build His Ocean Cleanup Machine". 
  3. Pabst, Josephine (24 de outubro de 2014). "Idee eines 20-Jährigen könnte die Ozeane entmüllen". Die Welt (en alemán). 
  4. "Boyan Slat". Boyan Slat combines environmentalism, creativity and technology to tackle global issues of sustainability. Consultado o 24 de xullo de 2017. 
  5. jutarnji.hr (ed.). "HRVAT KOJI ČISTI OCEANE Moj tata živi u Istri, a ja sam s ušteđevinom od 200 € ostvario san" (en inglés). Consultado o 13 de abril de 2017. 
  6. "Nizozemac hrvatskog podrijetla izumio sustav koji elimira plastični otpad iz mora". www.monitor.hr. Arquivado dende o orixinal o 13 de abril de 2017. Consultado o 13 de abril de 2017. 
  7. CNBC.com, Susan Caminiti, special to (22 de abril de 2017). "Thiel, Benioff backing 22-year-old's dream to clean up world's oceans". Consultado o 24 de xullo de 2017. 
  8. Venema, Vibeke (17 de outubro de 2014). BBC News, ed. "The Dutch boy mopping up a sea of plastic" (en inglés). Consultado o 24 de xullo de 2017. 
  9. www.theoceancleanup.com, The Ocean Cleanup,. "How it all began". The Ocean Cleanup (en inglés). Consultado o 6 de xuño de 2017. 
  10. TEDx Talks (24 de outubro de 2012). "How the oceans can clean themselves: Boyan Slat at TEDxDelft". Consultado o 6 de xuño de 2017. 
  11. www.theoceancleanup.com, The Ocean Cleanup. "About". The Ocean Cleanup (en inglés). Consultado o 24 de xullo de 2017. 
  12. www.theoceancleanup.com, The Ocean Cleanup. "About". The Ocean Cleanup (en inglés). Consultado o 6 de xuño de 2017. 
  13. www.theoceancleanup.com, The Ocean Cleanup. "Crowd Funding Campaign". The Ocean Cleanup (en inglés). Consultado o 6 de xuño de 2017. 
  14. Slat, Boyan (xuño de 2014). "How the oceans can clean themselves: a feasibility study" (PDF). Arquivado dende o orixinal (PDF) o 23 de abril de 2018. Consultado o 24 de abril de 2018.  É unha versión 2.0 do estudo.
  15. 15,0 15,1 creativinn.com, Creativinn. "Making the Planet Blue again: Boyan Slat's creative solution to clean up our oceans". CreativInn.com (en inglés). Consultado o 7 de agosto de 2017. 

Véxase tamén[editar | editar a fonte]

Ligazóns externas[editar | editar a fonte]