Benito Corbal

Na Galipedia, a Wikipedia en galego.
Saltar ata a navegación Saltar á procura
Benito Corbal
Nacemento1853
Lugar de nacementoBora
Falecemento18 de marzo de 1926
Lugar de falecementoPontevedra
NacionalidadeEspaña
Ocupaciónempresario e político
editar datos en Wikidata ]

Benito Corbal Estévez, nado en Bora (concello de Mourente) en 1853 e finado en Pontevedra o 18 de marzo de 1926, foi un empresario e político galego.

Traxectoria[editar | editar a fonte]

Rúa Benito Corbal de Pontevedra.

De orixe humilde. Foi contratista de obras. Fixo toda a parte de cantería do actual Ponte da Barca, construíu o porto de Cangas e promoveu e financiou o cemiterio de Bora. Foi administrador e propietario do balneario de Ponte Caldelas. Urbanizou a rúa Progreso e grazas ás súas influencias conseguiuse cara a 1900 un novo lugar para a celebración das feiras de gando que ata aquel momento se celebraban no Campo de San Xosé, nacendo así a praza de Barcelos.[1][2] En 1894 foi elixido concelleiro en Pontevedra, cargo que ocupou practicamente ata a súa morte. Tamén foi deputado provincial.[2]

Ao ano seguinte á súa morte púxoselle o nome de Benito Corbal á Rúa Progreso onde viviu.[2]

Vida persoal[editar | editar a fonte]

Casou con Dolores Souto Villaverde e foi pai de Manuel, Serafina, Elvira, Gerardo, Rogelio e Trinidad Corbal Souto. É avó do artista galego Xosé Conde Corbal.[1]

Notas[editar | editar a fonte]

  1. 1,0 1,1 Bará (7 de xuño de 2020). "Benito Corbal Estévez y "el progreso"". El Español (en español). Consultado o 7 de agosto de 2022. 
  2. 2,0 2,1 2,2 Alonso (25 de abril de 2021). "Quién fue Benito Corbal, el gran creador de empleo de Pontevedra". Diario de Pontevedra (en español). Consultado o 7 de agosto de 2022. 

Véxase tamén[editar | editar a fonte]

Ligazóns externas[editar | editar a fonte]