Belén Bermejo
| Biografía | |
|---|---|
| Educación | Universidade de Santiago de Compostela Universidade de Innsbruck  |
| Actividade | |
| Ocupación | xestora cultural, doutora, profesora universitaria, investigadora posdoutoral |
  | |
María Belén Bermejo López, é unha xestora cultural, doutora en dereito, docente, investigadora, cantante e instrumentista experta en música antiga galega.[1]
Traxectoria
[editar | editar a fonte]Estudou Dereito na Universidade de Santiago de Compostela (USC) e licenciouse logo dun ano de estadía na Universidade de Innsbruck (Austria). Entre os anos 1996 e 2003 impartiu clases de dereito administrativo e xestión de persoal das administracións públicas na Escola Universitaria de Relacións Laborais da Universidade da Coruña. Na universidade coruñesa colaborou en actividades docentes, académicas e culturais e tamén foi secretaria do centro e coordinadora do programa ERASMUS.[2]
É doutora en Dereito pola USC, especializada no eido da cultura e a protección do patrimonio histórico. Presentou a súa tese de doutoramento, El Camino de Santiago como bien de interés cultural no ano 2000 na que expuxo, entre outros temas, a problemática da coordinación e cooperación entre os diferentes territorios onde se atopa o Camiño de Santiago e o gran número de entes territoriais, para exercer unha uniformidade na súa protección como ben cultural.[3]Este análise sobre o estatuto dun itinerario cultural foi publicado pola Xunta de Galicia.[4]
Ao longo da súa carreira compaxinou a docencia coa investigación. Desde o ano 2003 colabora como profesora contratada da Universidade de Innsbruck impartindo a materia de Introdución ao dereito español e ao español xurídico. Así mesmo é docente no curso de Posgrao da USC de Xestión e Innovación Cultural.[5]Tamén colabora impartindo clases maxistrales sobre Programación e mediación cultural.[6]
Como investigadora desenvolve tarefas no departamento de Dereito Administrativo da USC, no eido da protección do patrimonio histórico e da protección dos bens culturais, ademais de participar en diferentes proxectos de investigación, sendo colaboradora externa do Grupo de Investigación GI-1584 da USC, do Departamento de Química Inorgánica, dentro da liña de investigación “Patrimonio Histórico-Científico Galego”.[2]
Participou na organización de congresos internacionais, levou a cabo estadías nas universidades de Cambridge, Palermo e Innsbruck, así como colaborou en diversas publicacións en libros e revistas especializadas.[7]
Cooperou coa asociación fábula Europe Forschungsverein, no desenvolvemento dun proxecto financiado polo Ministerio de Educación e Ciencia austríaco no que participaban ademais institucións como a Universidade de St. Andrews (Reino Unido), Museo de Arte de Nukus (Uzbekistan), The State Museum of Oriental Art (Rusia).[2]
Xestión e produción de proxectos culturais
[editar | editar a fonte]Belén Bermejo está á fronte da empresa de produción cultural Sirgo Torcendo, S.L. (2007) que tomou o seu nome da cantiga de tear do poeta portugués do século XIII Estebam Coelho, "Sedia la fremosa seu sirgo torcendo".[8]A súa finalidade é o desenvolvemento de proxectos culturais musicais, expositivos e audiovisuais, a representación de formacións musicais no ámbito da música antiga e a dirección e produción de festivais de música.[2]
En 2008 comezou participar como coordinadora do programa cultural Espazos Sonoros que ten como obxectivo achegar a catedrais, igrexas, mosteiros e museos de toda Galicia as músicas diversas.[9]Estes festivais buscan a coherencia entre a música e o lugar onde se desenvolven os concertos, con actividades como visitas guiadas e rutas que axudan a interpretar a historia ou a riqueza patrimonial, etnográfica e natural dos enclaves.[10][11]
Desde 2009 desenvolve tarefas como coordinadora e experta no proxecto de catalogación dos órganos de Galicia, auspiciado pola Xunta de Galicia.[2]
En 2014 e 2105 encárgaselle a coordinación da produción do festival In Spiritum, música e contemplaçao na cidade do Porto.[12]Despois diso foi a directora artística do festival De lugares e órganos,[13]un certame anual impulsado polo Concello de Santiago, na igrexa da Universidade de Santiago de Compostela[14]no que participan as diferentes disciplinas artística, xa que ademais da actividade principal que son os concertos, engade actuaciòns de danza, proxección de cine, exposicións de fotografías e rutas comentadas.[15]
Colaborou con diversas institucións como a USC e o MUPEGA (Museo Pedagóxico de Galicia) na produción de exposicións como 150 anos da Lei Moyano;[16]Dos Ábacos aos Computadores;[17]Rodríguez Cadarso, un reitor para un país; Antonio Casares: investigador e reitor da modernidade
Ten colaborado con numerosas institucións públicas e privadas (concellos, fundacións, deputacións, gobernos autonómicos, festivais internacionais de música, museos, etc.) na organización de concertos e proxectos musicais.
Cantante e instrumentista
[editar | editar a fonte]Colabora como cantante e instrumentista con diversas formacións de música antiga como o grupo Martin Codax,[18] o Grupo de Música Antiga 1500[19] [20][21]ou o proxecto Pres de Cambrai,[22] que ela mesma dirixe, e no que conflúen diferentes disciplinas artísticas, sensibilidades e estéticas nun afán por achegarse, desde diferentes perspectivas, ás músicas compostas noutras épocas históricas.[23]
Notas
[editar | editar a fonte]- ↑ "Belén Bermejo". xestoresculturais.gal. Consultado o 2024-07-29.
- ↑ 2,0 2,1 2,2 2,3 2,4 "María Belén Bermejo López - University of Innsbruck - Academia.edu". uibk.academia.edu. Consultado o 2024-08-08.
- ↑ Bermejo López, María Belén (2000). "El Camino de Santiago como bien de interés cultural" (en castelán). Universidade de Santiago de Compostela.
- ↑ Bermejo López, Ma Belén (2001). El Camino de Santiago como bien de interés cultural: análisis en torno al estatuto jurídico de un itinerario cultural. Santiago de Compostela: Xunta de Galicia : Xacobeo Galicia. ISBN 978-84-453-3164-4.
- ↑ "Xestión e Innovación Cultural - Coñece o Posgrao da USC". USC Xestión Cultural. Consultado o 2024-07-31.
- ↑ loli (2017-02-24). "Música e Artes Escénicas. Paulo Rodríguez e Belén Bermejo". USC Xestión Cultural. Consultado o 2024-08-01.
- ↑ "María Belén Bermejo López - University of Innsbruck - Academia.edu". uibk.academia.edu. Consultado o 2024-09-09.
- ↑ "Universo Cantigas". universocantigas.gal. Consultado o 2024-07-29.
- ↑ Pontevedra, Diario de (2008-04-04). "Catedrales, iglesias y monasterios reviven con la música". Diario de Pontevedra (en castelán). Consultado o 2024-07-29.
- ↑ Cultura, Secretaría Xeral de. "Nova: Espazos Sonoros propone música antigua y contemporánea para el fin de semana - Cultura de Galicia". www.cultura.gal (en castelán). Consultado o 2024-07-29.
- ↑ Admin (2023-08-08). "Espazos Sonoros 2023: Un Festival Que Une Música Y Patrimonio En La Provincia De A Coruña - Coruña Online - Ocio, Cultura, Noticias Y Turismo En A Coruña" (en castelán). Consultado o 2024-07-29.
- ↑ Diario, Nós (2014-04-03). "O modelo do festival Espazos Sonoros expórtase a Porto con “In Spiritum”". Nós Diario. Consultado o 2024-09-12.
- ↑ Sanmartín, Xabier (2024-03-14). "El premiado organista de la Sagrada Familia actuará en Santiago dentro ‘De lugares e órganos’". El Correo Gallego (en castelán). Consultado o 2024-07-29.
- ↑ Sanmartín, Xabier (2024-03-31). "“Tocar este órgano de Santiago es como estar cantando”". El Correo Gallego (en castelán). Consultado o 2024-07-29.
- ↑ "Conciertos, danza, cine y una ruta guiada realzan el patrimonio organístico de Santiago". La Voz de Galicia (en castelán). 2024-03-14. Consultado o 2024-07-29.
- ↑ "Sirgo Torcendo. Cultural Management - Proyectos - Exposición 150 años de la Ley Moyano, la introducción de la experimentalidad en la enseñanza". www.sirgotorcendo.com. Consultado o 2024-09-12.
- ↑ "USC TV - Dos ábacos aos computadores". tv.usc.gal. Consultado o 2024-09-12.
- ↑ "Por que trobar é cousa en que iaz ... — Martín Códax, Grupo de música antigua de Compostela". www.sonusantiqva.org. Consultado o 2024-09-15.
- ↑ "Grupo de Música Antiga 1500". www.grupo1500.es. Consultado o 2024-09-09.
- ↑ "Evento: Grupo de Música Antiga 1500 - Cultura de Galicia". www.cultura.gal (en castelán). Consultado o 2024-09-09.
- ↑ "Hay espacio para la música medieval en el TradFest con el grupo 1500". La Voz de Galicia (en castelán). 2021-07-29. Consultado o 2024-09-09.
- ↑ "Sitio oficial Pres de Cambrai". presdecambrai.nos.gl. Consultado o 2024-09-09.
- ↑ Redondela (2017-11-04). "Cultura difunde el pergamino Vindel con propuestas musicales y gastronómicas". Faro de Vigo (en castelán). Consultado o 2024-09-09.
