EWE Baskets Oldenburg

	EWE Baskets Oldenburg
Información xeral
Liga	BBL
Fundación	1954
Historia	Oldenburger TB (1954−2001)
Cores	Azul, amarelo
Presidente	Hermann Schüller
Adestrador	Pedro Calles
Patrocinador	EWE AG
Localización
Cidade	Oldenburg, Alemaña
Pavillón	Große EWE Arena
Capacidade	6 069
Inauguración	20 de abril de 2013
Campionatos
Liga	1 (2009)
Copa	1 (2015)
Supercopa	1 (2009)
	ewe-baskets.de

O EWE Baskets Oldenburg é un equipo profesional de baloncesto alemán con sede na cidade de Oldenburg, Baixa Saxonia. Fundado en 1954 co nome de Oldenburger TB, actualmente compite na Basketball Bundesliga, máxima categoría do baloncesto xermano, e na Eurocup. Xoga os seus partidos no EWE Arena, pavillón con capacidade para 6.069 espectadores.^[1] O seu nome deriva do seu principal patrocinador: EWE AG.

Historia[editar | editar a fonte]

O club foi fundado en 1954 como unha sección do club Oldenburger TB. No ano 2001 a sección separouse formando un novo club chamado EWE Baskets Oldenburg, mentres que o antigo Oldenburger TB pasou a ser o sistema de formación e canteira do equipo. O primeiro éxito chegou na temporada 2007−08. O equipo, após finalizar no quinto lugar da liga regular, chegou ata as semifinais do campionato nos play-offs, sendo derrotados polo Alba Berlín, que posteriormente acabaron por proclamarse campións.^[2] Con todo, a culminación chegou o ano seguinte. O club finalizou na terceira posición a fase regular, e conseguiron chegar á final das eliminatorias polo título onde venceron ao Telekom Baskets Bonn no quinto e definitivo encontro e conseguiron a súa primeira Bundesliga.^[3] Alén diso, a nivel europeo, o equipo consegue acadar o terceiro posto no EuroChallenge após perder nas semifinais da Final Four ante o Pınar Karşıyaka e vencer na loita polo terceiro posto ao BCM Gravelines.

O éxito atinxido en Liga en 2009 outorgou ao EWE Baskets o dereito á xogar a Euroliga 2009−10, aínda que finalizaron no último lugar do seu grupo cunha soa vitoria (81−87 ante o Asseco Prokom Gdynia no Hala Sportowo-Widowiskowa Gdynia na primeira xornada). Na temporada 2012−13 o equipo acaba en segundo lugar na liga regular, chegando nas eliminatorias polo título até a final. Porén, perden por 3−0 ante o Brose Baskets. A pesar de non gañar o título, o equipo volve a gañar o dereito de participar nas rolda clasficatoria para xogar na Euroliga 2013−14. Na primeira rolda conseguen eliminar ao Cimberio Varese (74−79), mais na segunda e penúltima rolda clasficatoria caen ante o Lietuvos rytas (87−99). O seguinte éxto chega na temporada 2014−15, cando o equipo consegue o título da Copa de Alemaña, na cal exercían como equipo anfitrión. No torneo venceron en semifinais ao Telekom Baskets Bonn (71−77) e veneron na final ao Brose Baskets (70−72). Na temporada 2016−17 o equipo debuta na Basketball Champions League e volve xogar unha final de Liga, perdendo de novo na final por 3−0 ante o Brose Baskets.

Temporadas[editar | editar a fonte]

Ano	Nivel	Liga	Pos.	Copa	Competicións europeas
2001–02	1	BBL	12º	Subcampión
2002–03	1	BBL	6º
2003–04	1	BBL	5º
2004–05	1	BBL	7º
2005–06	1	BBL	8º
2006–07	1	BBL	9º
2007–08	1	BBL	3º
2008–09	1	BBL	1º		3 EuroChallenge	T16	10–1–5
2009–10	1	BBL	5º	Cuartos de final	1 Euroliga	LR	1–9
2010–11	1	BBL	6º	Cuartos de final	2 Eurocup	LR	1–5
2011–12	1	BBL	10º	Cuartos de final	3 EuroChallenge	T16	9–3
2012–13	1	BBL	2º	Cuartos de final	3 EuroChallenge	3º	14–3
2013–14	1	BBL	3º	Cuartos de final	1 Euroliga	RC2	1–1
2013–14	1	BBL	3º	Cuartos de final	2 Eurocup	LR	5–5
2014–15	1	BBL	7º	Campión	2 Eurocup	LR	4–6
2015–16	1	BBL	5º	Cuartos de final	2 Eurocup	OF	8–8
2016–17	1	BBL	2º		3 Champions League	OF	11–1-6
2017–18	1	BBL	7º		3 Champions League	R16	10–6
2018–19	1	BBL	3º	Oitavos de final
2019–20	1	BBL	4º	Subcampión	2 Eurocup	T16	8–8
2020–21	1	BBL	5º	Fase de grupos
2021–22	1	BBL	11º	Oitavos de final	3 Champions League	LR	1–5