Baddeleyita

Baddeleyita (Bdy)
ZrO₂
Instancia de especie mineral  Subclase de mineral óxido  Epónimo Joseph Baddeley (en)
Características  Cor da raia branco  Sistema cristalino sistema monoclínico
Localización  Localidade tipo xeolóxica Rakwana (en)
Códigos e identificadores Freebase /m/0147md OpenAlex C2780981397 Mindat 480
Fontes e ligazóns  Descrito pola fonte On baddeleyite (native zirconia), a new mineral, from Rakawana, Ceylon (en) Map of Serbian geological attractions (en)
Wikidata C:Commons

A baddeleyita é un raro mineral de óxido de circonio (ZrO₂) ou circonia. Atópase en diversos cristais monoclínicos prismáticos. Pode ser transparente ou translúcido, cun alto índice de refracción, e un rango de cores que van desde o incolor até o amarelo, o verde e o marrón escuro. É un material refractario, cun punto de fusión de 2700 °C. O hafnio, moi similar ao circonio, é unha impureza e preséntase sempre polo menos en pequenas porcentaxes de 0,1 %.

A baddeleyita foi descrita por primeira vez en 1892 en Ratnapura, Sri Lanka, por Joseph Baddeley. Logo tamén foi descrita en Minas Gerais e Jacupiranga, São Paulo, Brasil, como noutros lugares do mundo.

Estrutura cristalina da baddeleyita

É atopada frecuentemente como grans detríticos en gravas. A súa principal aparición é en vetas a altas temperaturas e é un mineral accesorio da sienita, da diabase, do gabro, da anortosita, da carbonatita, da kimberlita e de intrusións de lamproíta. Tamén se ten atopado en tectitas, meteoritos e no basalto lunar. Minerais asociados son a ilmenita, a zirkelita, a apatita, a magnetita e a perovskita, na mina de Jacupiranga, Brasil; e a fluorita, a nefelina, o pirocloro e a allanita en Monte Somma, Italia.

Debido á súa natureza refractaria, como á súa estabilidade baixo certas condicións, os grans de baddeleyita, xunto co circón, úsase na datación radiométrica ao uranio-chumbo.

Véxase tamén

Outros artigos

• Lista de minerais

Ligazóns externas

• Minweb with chime structure Arquivado 27 de setembro de 2011 en Wayback Machine.
• Early rocks to reveal their ages, BBC News
• Baddeleyite at Webmineral