Augustów
Este artigo trata sobre a vila e concello urbano do condado de Augustów. Para o concello rural homónimo véxase: Concello rural de Augustów.

Localización do concello no condado de Augustów.
Augustów (en polaco; en lituano: Augustavas; en belaruso: Аўгустаў, "Aŭhustaŭ") é unha cidade e concello urbano do condado homónimo, no nordeste de Polonia e pertencente ao voivodato de Podlaquia. Ten unha superficie de 80,9 km², no que viven 30.870 persoas.
Durante a primeira guerra mundial, librouse a batalla de Augustów (1914), no que o exército ruso contraatacou con éxito ao exército alemán.