Atol Bassas da India

Atol Bassas da India
Himno	La Marseillaise
Localización
	21°28′57″S 39°40′19″L / -21.4825, 39.671944444444
Territorio reivindicado por	Madagascar
Estado	Francia
Territorio dependente	Terras Austrais e Antárticas Francesas
Grupo	Illas dispersas do Océano Índico
Xeografía
Superficie	0,2 km²
Bañado por	Canle de Mozambique

Bassas da India (fr; malgaxe: Nosy Bedimaky) é un atol deshabitado e aproximadamente circular de 0,2 km² de superficie, o que o constitúe na porción de terra máis pequena rodeada por auga. Situado no sur do Canle de Mozambique, aproximadamente a medio camiño entre Mozambique e Madagascar (uns 385 km máis ao leste) e a uns 110 km ao noroeste da Illa Europa. Está administrado por Francia, orma parte do grupo das illas dispersas do Océano Índico como parte das Terras Austrais e Antárticas Francesas, aínda que é reclamado por Madagascar. O bordo do atol ten unha media de 100 m de ancho e encerra unha lagoa pouco profunda cunha profundidade non superior a 15 m. En xeral, o atol ten uns 10 km de diámetro, elevándose abruptamente desde o fondo mariño 3000 m. debaixo para rodear unha área (incluíndo a lagoa) de 80 km². A súa zona económica exclusiva, de 123700 km² de tamaño, é contigua coa da Illa Europa.^[1]

O atol está formado por dez illotes rochosos áridos, sen vexetación, cunha superficie total de 20 ha. Os dos lados norte e leste teñen unha altura de 2´1 a 3 metros, mentres que os dos lados oeste e sur teñen unha altura de 1´2 m.. O arrecife, cuxa costa mide 35,2 km, está totalmente cuberto polo mar desde tres horas antes da marea alta ata tres horas despois. A rexión tamén está suxeita a ciclóns, o que converte o atol nun perigo marítimo a longo prazo e no lugar de numerosos naufraxios. Ecoloxicamente, pertence á ecorrexión denominada matogueira xerófila das illas Europa e Bassas da India.

O monte submarino Jaguar e o monte da mesa Hall atópanse a uns 40 e 70|km. máis ao suroeste.

Historia

Bassas da India avistouse por primeira vez por exploradores portugueses a principios do século XVII como "Baixo do Judío" ("Baixos do Xudeu"). O Judío ("Xudeu", pola ascendencia do seu propietario Fernão de Loronha^[2] era o nome dun barco portugués que encallou neste arrecife. Este barco chamábase "judío", xa que o seu propietario era un comerciante xudeu de Portugal. O nome converteuse en Bassas da India, debido a erros de transcrición dos cartógrafos. O "Santiago" afundiuse no baixou en 1585.

Foi redescuberto polo Europa en 1774, de aí o nome "Europa Rocks"..^[3] O Malay perdeuse o 27 de xullo de 1842 nas Europa Rocks.^[4]

En 1897, o baixo converteuse nunha posesión francesa, pasando posteriormente á administración dun comisario residente en Reunión en 1968. Madagascar independizouse en 1960 e reivindica a soberanía sobre o baixo desde 1972.

Desde o decreto do 3 de xaneiro de 2005, as illas dispersas e polo tanto Bassas da India están baixo a autoridade do administrador superior das Terras austrais e antárticas francesas con base en Saint-Pierre (Reunión). Considerado como un dominio privado do estado, non forma parte da Unión Europea.

Madagascar reclama a soberanía sobre Bassas da India. A cuestión é económica e marítima, pois a pesar do pequeno tamaño do atol, a zona económica exclusiva é extensa con 123.700 km² de superficie.

Galería

Mapa detallado.
Fotografía da Estación Espacial Internacional (ISS).
Imaxe Landsat 7.
CIA World Factbook.
Mapa da Axencia Central de Intelixencia.
Imaxe da ISS de Bassas da India con diferentes graos de brillo solar.

Notas

↑ Décret n° 78-146 du 3 février 1978 portant création, en application de la loi du 16 juillet 1976, d'une zone économique au large des côtes des îles Tromelin, Glorieuses, Juan-de-Nova, Europa et Bassas-da-India (Decree 78-146) (en francés). Government of France. 3 de febreiro de 1978.
↑ Cardozo, Manoel Godinho (1736) [First published 1602]. "Relaçam do navfragio da nao Santiago & itenerario da gente que delle se salvou". En Gomes de Brito, Bernardo. História trágico-marítima (en portugués) II. Lisbon: Off. da Congregaçao do Oratorio. p. 47.
↑ de Horsey, Algernon F. R. (1878). The Africa Pilot, Part III : South and east coasts of Africa from the Cape of Good Hope to Cape Guardafui, including the islands in the Mozambique Channel (3rd ed.). London: Hydrographic Office of Great Britain. p. 410. OCLC 36761841. Bassas da India, sometimes named Europa rocks, was discovered by the ship Europa in 1774.
↑ Osgood, Chas. S.; Batchelder, H. M. (1879). Historical Sketch of Salem, 1626–1879. Salem: Essex Institute. p. 202. OCLC 248257682.

Véxase tamén

Ligazóns externas

Wikimedia Atlas de Bassas da India.
"Oceandots". Arquivado dende o orixinal o 23 December 2010. Consultado o 2009-03-14.
Sailing Directions: East Africa and the South Indian Ocean
French Southern and Antarctic Lands. The World Factbook. Central Intelligence Agency..

[1] Décret n° 78-146 du 3 février 1978 portant création, en application de la loi du 16 juillet 1976, d'une zone économique au large des côtes des îles Tromelin, Glorieuses, Juan-de-Nova, Europa et Bassas-da-India (Decree 78-146) (en francés). Government of France. 3 de febreiro de 1978.

[2] Cardozo, Manoel Godinho (1736) [First published 1602]. "Relaçam do navfragio da nao Santiago & itenerario da gente que delle se salvou". En Gomes de Brito, Bernardo. História trágico-marítima (en portugués) II. Lisbon: Off. da Congregaçao do Oratorio. p. 47.

[3] Horsey, Algernon F. R. (1878). The Africa Pilot, Part III : South and east coasts of Africa from the Cape of Good Hope to Cape Guardafui, including the islands in the Mozambique Channel (3rd ed.). London: Hydrographic Office of Great Britain. p. 410. OCLC 36761841. Bassas da India, sometimes named Europa rocks, was discovered by the ship Europa in 1774.

[4] Osgood, Chas. S.; Batchelder, H. M. (1879). Historical Sketch of Salem, 1626–1879. Salem: Essex Institute. p. 202. OCLC 248257682.

[1]

[2]

[3]

[4]