Arco palmar arterial fondo da man
| Arco palmar arterial fondo da man | |||||||||
|---|---|---|---|---|---|---|---|---|---|
arcus palmaris profundus  | |||||||||
| |||||||||
| |||||||||
| |||||||||
| |||||||||
| |||||||||
| Wikidata | |||||||||
O arco palmar arterial fondo da man é un arco arterial do membro superior humano, pertencente á man. Deriva da arteria radial, que rodea a superficie lateral do pulso, pasa polo chan da tabaqueira anatómica e acada o plano fondo da man en dirección anterior dende o dorso da man. Pasa entre as dúas porcións do primeiro músculo interóseo dorsal e despois entre as dúas porcións do músculo adutor do polgar para acadar o plano máis fondo da man e constituír o arco palmar fondo da man. O arco cruza a man en sentido medial, entre os ósos metacarpianos e os tendóns dos músculos flexores longos dos dedos. Na zona medial da palma comunícase coa arteria palmar fonda, procedente da arteria cubital.
Pólas
[editar | editar a fonte]O arco arterial fondo dá lugar a dous tríos de arterias:
- tres arterias metacarpianas palmares, que se unen á arteria dixital palmar común do arco palmar arterial superficial da man.
- tres pólas perforantes que se dirixen cara a atrás entre os músculos interóseos dorsais da man para anastomosarse coas arterias metacarpianas dorsais, procedentes do arco dorsal do carpo.
Véxase tamén
[editar | editar a fonte]Bibliografía
[editar | editar a fonte]- Gray. Anatomía para estudiantes. Miembro superior (en castelán)
