Antón Risco

Antón Risco

Biografía
Nacemento	30 de maio de 1926 Allariz, España
Morte	7 de febreiro de 1998 (71 anos) Vigo, España
Educación	Universidade Complutense de Madrid
Actividade
Ocupación	escritor, profesor universitario, especialista en literatura
Empregador	Universidade Laval Universidade de Tolosa-Jean Jaurès
Familia
Pai	Vicente Risco
Premios
(1986)  Premio da Crítica de narrativa galega

Antón Martínez-Risco Fernández, máis coñecido como Antón Risco, nado en Allariz o 30 de maio de 1926 e finado en Vigo o 7 de febreiro de 1998, foi un escritor galego, fillo de Vicente Risco.

Traxectoria

Doutor en Filosofía e Letras pola Universidade Complutense de Madrid, exerceu a docencia na Universidade de Tolosa, onde estivo en contacto con republicanos e exiliados do franquismo. Logo dunha estancia en Oregón, en 1964 asentouse no Quebec, acadando a praza de catedrático de lingua castelá e portuguesa na Universidade de Laval. Trala súa xubilación regresou a Galiza, onde morreu por mor dun cancro.

É autor de numerosos traballos de teoría e crítica literaria, sendo especialista na obra de Valle-Inclán. Tamén é coñecido pola súa obra de ficción en galego.

Na súa honra, creouse en 2015 o Premio Antón Risco de literatura fantástica.

Obra

Narrativa

• Memorias dun emigrante (1986), Premio da Crítica española.
• O caso (1989, Sotelo Blanco).
• As metamorfoses de Proteo (1989, Sotelo Blanco), Premio da Crítica de Galicia.
• Xogo de gardas e ladróns (1989, Ediciós do Castro).
• A noite do sábado (1991, Ir Indo).
• Tres situacións elementais (1991, Galaxia).
• Margarida d´Ouridac (1993, Ediciós do Castro).
• Hipogrifo (1994, Xerais).
• Mascarada (1995).
• Tánata (1998).
• Os fillos do río (1999).
• O embrión (2002, Galaxia).

Ensaio

• A figuración literaria (1991, Xerais).

Conversas

• Risco segundo Risco, por Arturo Lezcano Fernández (2013, Galaxia).

Obras colectivas

• Para ler a Vicente Risco (1997, Galaxia). Con Arturo Lezcano Fernández.

Obra en castelán

Ensaio

• Estética de Valle-Inclán en los esperpentos y en "Ruedo ibérico", 1967.
• Demiurgo y su mundo: Hacia un nuevo enfoque de la obra de Valle-Inclán, 1977.
• Azorín y la ruptura con la novela tradicional, 1980.
• Literatura y figuración, 1982.
• Literatura fantástica de la lengua española, 1987.

Obras colectivas

• El relato fantástico: historia y sistema, 1998, Colegio de España, Salamanca.