Antonio Bao Arias
| Biografía | |
|---|---|
| Nacemento | c. 1894  Becerreá, España |
| Morte | 22 de maio de 1981 (86/87 anos) Becerreá, España |
| Actividade | |
| Ocupación | veterinario, político |
 | |
Constantino Antonio Bao Arias, nado en Becerreá cara a 1894 e finado no mesmo concello o 22 de maio de 1981, foi un veterinario e político galego.
Traxectoria
[editar | editar a fonte]Aprobou as oposicións de inspectores hixienistas de matadoiros industriais en 1931.[1] Na República foi veterinario de Becerreá e inspector de hixiene e sanidade pecuaria do concello das Nogais, cargo do que foi cesado o 5 de outubro.[2] Foi nomeado veterinario interino de Lugo o 20 de abril de 1936.[3] Foi presidente de Izquierda Republicana de Becerreá en 1936.
Co golpe de Estado do 18 de xullo de 1936 fuxiu e estivo agochado en varias casas de toda a provincia de Lugo. Foi detido o 18 de novembro de 1937 e ingresado no cárcere de Lugo. Saíu en liberdade o 20 de decembro. Foi confinado en Monterroso por tres meses en xullo de 1943 por "facer campaña solapada contra o Réxime dedicándose á murmuración contra personalidades que o serven" xunto con Antonio Mourín Martínez, Ángel Yáñez Núñez e Jaime Pardo Gómez.[4] Volveu exercer como veterinario en Becerreá e foi inspector municipal veterinario. Finou en Becerreá o 22 de maio de 1981.[5]
Vida persoal
[editar | editar a fonte]Casou con Mercedes Fernández Poy, que finou en 1951, e foi pai de Ricardo, Antonio, Ovidio e Mercedes Bao Fernández.[6]
