Antonio Paz Míguez
| Biografía | |
|---|---|
| Nacemento | 4 de xuño de 1911  A Pobra do Caramiñal, España |
| Morte | 2003 (91/92 anos) |
| Actividade | |
| Ocupación | escritor |
Antonio Paz Míguez, nado na Pobra do Caramiñal o 4 de xuño de 1911 e finado en 2003, foi un escritor galego.
Biografía
[editar | editar a fonte]En 1929, con dezasete anos, emigrou á Arxentina, primeiro a Rosario e logo a Bos Aires. Na cidade porteña traballou como empregado de comercio e mantivo contactos con persoeiros do nacionalismo galego, que reitera no seu regreso a Galicia en 1935. Emigra de novo a Bos Aires en marzo de 1936. Regresa á terra natal para unha curta visita en 1971 e morre no ano 2003.
Actividade literaria
[editar | editar a fonte]Entre as súas obras destacan Da emigración, un dos últimos volumes saídos do prelo da Editorial Nós antes da guerra civil, ou O Adán que non quixo volver ó Paradiso. Tamén é autor da novela en castelán Galicia, tierra de peregrinar. Permanecen inéditos moitos poemas, ademais de pezas teatrais e ensaios históricos en castelán sobre o papel dos galegos no continente americano, coma o titulado Ellos hicieron América. O conxunto da obra de Paz Míguez ten un valor testemuñal e poucos méritos literarios, xa que son obras lineais e pobres de recursos.
Obras
[editar | editar a fonte]En galego
[editar | editar a fonte]- Da emigración. Notas dun galego, 1936, edición facsímile de Esperanza Mariño en 1993.
- O Adán que non quixo volver ô paradiso, 1992.
En castelán
[editar | editar a fonte]- Galicia, tierra de peregrinar, 1988.
Véxase tamén
[editar | editar a fonte]Bibliografía
[editar | editar a fonte]- Diccionario da literatura galega. I Autores. Vigo: Galaxia, 1995.
Ligazóns externas
[editar | editar a fonte]- "Antonio Paz Míguez". Álbum de Galicia do Consello da Cultura Galega.
- Esperanza Mariño Dávila "Antonio Paz Míguez ou o Adán que non quixo volver" Revista de Lenguas y Literaturas Catalana, Gallega y Vasca, 6, pp. 213-216.