Anna Nicole Smith

Anna Nicole Smith

Biografía
Nacemento	(en) Vickie Lynn Hogan 28 de novembro de 1967 Houston, Estados Unidos de América
Morte	8 de febreiro de 2007 (39 anos) Hollywood, Estados Unidos de América (pt)
Causa da morte	Morte accidental  (Intoxicação por opioides (pt) )
Lugar de sepultura	Lakeview Memorial Gardens and Mausoleums (en)
Datos persoais
País de nacionalidade	Estados Unidos de América
Relixión	Cristianismo
Educación	Mexia High School (en) Doss High School (en)
Actividade
Ocupación	actriz , produtora , música , modelo , bailarina , Playmate , personalidade televisiva
Período de actividade	1992 - 2007
Lingua	Lingua inglesa
Familia
Cónxuxe	J. Howard Marshall (1994–1995) Billy Wayne Smith (1985–1993)
Parella	Howard K. Stern (en) (2006–2007)
Fillos	Daniel Wayne Smith (pt)  () Billy Wayne Smith (en) Dannielynn Birkhead (en)  () Larry Birkhead (en)
Premios (1993)  Playboy Playmate of the Year (en) (maio de 1992)  Playboy Playmate of the Month (en)
Sinatura
Páxina web	annanicole.com

Anna Nicole Smith, nada como Victoria Lynn Hogan en Houston (Texas) o 28 de novembro de 1967 e finada en Hollywood (Florida) o 8 de febreiro de 2007, foi unha modelo, actriz e personaxe televisiva estadounidense. Smith obtivo popularidade por primeira vez na revista Playboy, que lle outorgou o título de Playmate do Ano en 1993. Traballou como modelo para compañías dcomo Guess, H&M, Heatherette e Lane Bryant.

Smith abandonou o instituto aos catorce anos en 1982 e casou en 1985. O seu segundo matrimonio enormemente publicitado en 1994 co milmillonario de 89 anos J. Howard Marshall provocou especulacións sobre se casara co octoxenario polos seus cartos, o que ela negou. Trala morte de Marshall, Smith comezou unha batalla legal sobre a fortuna. Os procesos chegaron ao Tribunal Supremo: Marshall v. Marshall sobre unha cuestión de xurisdición federal e Stern v. Marshall sobre unha cuestión da autoridade do tribunal de bancarrotas.

Smith faleceu en 2007 nun cuarto de hotel de Florida como consecuencia dunha sobredose de drogas prescritas. Nos meses anteriores ao seu pasamento, Smith foi de novo o centro de atención dos medios pola morte do seu fillo Daniel, e pola paternidade e batalla pola custodia da súa filla acabada de nacer, Dannielynn Birkhead.

Traxectoria

Infancia e mocidade

Anna Nicole Smith naceu en Mexia, un suburbio de Houston a 127 km ao sur de Dallas, e foi abandonada polo seu pai cando era unha nena. A súa nai volveu casar. O seu padrasto foi a prisión pola violación da súa cuñada de entón dez anos. Smith dixo máis adiante sobre a súa nai que ademais de azoutas permitiu que o seu padrasto e o seu irmán abusasen dela e da súa irmá. O seu irmán rematou en prisión por violación dunha muller máis vella. Criada pola súa nai e a súa tía, Anna Nicole adoitaba dicir que cando crecese quería ser «a nova Marilyn Monroe».

Mentres traballa no Jim's Krispy Fried Chicken de Mexia, Smith coñeceu a Billy Wayne Smith, cociñeiro do restaurante, e casaron o 4 de abril de 1985, con dezasete anos. Deu a luz o seu primeiro fillo, Daniel Wayne Smith, o 22 de xaneiro de 1986. O matrimonio durou tres anos e ela exerceu de nai solteira.

Con 20 anos comezou a traballar en lugares onde cobraba un soldo baixo e exercía de bailarina exótica baixo pseudónimos como Nikki, Robin e Anna Nicole. Cando actuaba nun club de Houston en outubro de 1991, Smith coñecu ao magnate do petróleo de 86 anos J. Howard Marshall. Durante os dous anos de relación, Marshall fixo regalos caros a Smith e pediulle matrimonio en varias ocasións.

Carreira como modelo e Playboy

Con 25 anos, foi playmate de marzo de 1992 baixo o nome Vicky Smith. Grazas á aparición na revista converteuse nunha das figuras máis irresistibles dos Estados Unidos. Guess escolleuna como sucesora de Claudia Schiffer como imaxe da súa campaña publicitaria. En maio dese mesmo ano, volveu protagonizar a portada de Playboy e un ano máis tarde foi escollida playmate do ano e pasou a ser coñecida como Anna Nicole Smith. Ademais, apareceu nalgúns filmes.

O 27 de xuño de 1994, Smith e Marshall casaron en Houston, provocando rumores de que casara con el polos seus cartos. Smith nunca viviu con Marshall, nunca tivo relacións con el e non o bicou nos beizos máis de dez veces. Mantivo que ela amaba a Marshall e que a idade non lle importaba. O 4 de agosto de 1995, trece meses despois da voda con Smith, Marshall faleceu en Houston aos noventa anos.

Últimos meses

Nos últimos meses da súa vida, a actriz viviu dous momentos moi impactantes: deu a luz a Dannielynn Birkhead o 7 de setembro de 2006 no Doctors Hospital de Nassau (Bahamas) e catro días máis tarde apareceu morto o seu fillo Daniel, que nese momento tiña vinte anos, nun dos cuartos do hospital onde nacera a súa irmá máis nova. A segunda autopsia, que lle realizou o forense contratado pola actriz Cyril Wecht, revelou que o mozo falecera por unha combinación letal de medicamentos: Daniel tomaba metadona, Zoloft e Lexapro.

Morte

O 8 de febreiro de 2007, Anna Nicole Smith faleceu tras perder o coñecemento mentres estaba hospedada no hotel-casino Seminole Hard Rock Cafe, en Fort Lauderdale.

A autopsia revelou que a modelo afogou no seu propio vómito, despois de desmaiarse por inxerir unha sobredose de metadona. Nunha conferencia de prensa, o médico forense Joshua Perper explicou que Smith falecera a consecuencia da inxestión de fármacos baixo receita médica e que o seu pasamento fora "accidental", sen que houbese indicios sospeitosos doutra causa. Perper, que practicou a autopsia ao cadáver de Smith, indicou que se detectou o rastro de "numerosos medicamentos no sistema" da modelo, mais ningún "ilegal", polo que o seu deceso se atribúe á interacción de "múltiples" fármacos e unha "infección". Smith inxerira medicamentos antidepresivos e contra a ansiedade, así como pílulas para adelgazar, metadona e inxectáranse hormonas para o crecemento e vitamina B-12 nunha das súas coxas. Antes do seu pasamento, proseguiu o médico forense, a modelo tomara antibióticos para combater unha gripe, así como unha substancia denominada cloralhidrato, empregada para durmir, un cóctel que lle causou unha "intoxicación" fatal. Pola súa banda, Charlie Tiger, xefe de policía, sinalou que non se detectaron "elementos criminais" nin nada "ilegal" no deceso de Anna Nicole Smith.

O 18 de febreiro de 2007, o cadáver de Anna Nicole Smith foi embalsamado tras ser emitida unha orde xudicial que permitía ese procedemento. Segundo Joshua Perper, forense do condado de Broward, dous embalsamadores remataron o seu labor ao mediodía do sábado 17 de febreiro, prometendo non falar nin escribir respecto ao corpo de Anna, nin tampouco que o fotografasen ou o debuxasen.

A súa familia pretendía cumprir o último desexo de Anna, ser sepultada no cemiterio Westwood Memorial Park xunto ao seu máximo ídolo, Marilyn Monroe. Porén, o avogado Howarde K. Stern, parella de Smith, gañou a disputa legal que sostiña coa nai de Smith, Virgie Arthur, para resolver onde sería sepultada. O corpo de Anna sería enterrado nas Bahamas, xunto á tumba do seu fillo Daniel. O funeral programouse para o 27 de febreiro de 2007, mais Arthur logrou presentar un recurso de emerxencia co obxectivo de evitar que a súa filla fose sepultada en devandito lugar.

O 28 de febreiro de 2007, o tribunal de apelacións de Florida confirmou a decisión de Virgie Arthur de renunciar á custodia do cadáver da súa filla, xa que a evidencia indicaba que o último desexo de Anna Nicole Smith era ser sepultada xunto ao seu fillo Daniel nas Bahamas.

O venres 2 de marzo de 2007, finalmente foi sepultada Anna Nicole Smith nas Bahamas. O corpo da modelo foi trasladado dende unha morgue ata o aeroporto de Miami a primeira hora da mañá, baixo a atenta mirada dos paparazzi. Despois de horas de voo, o féretro aterrou en Nassau e foi levado á igrexa Mount Horeben onde esperaban 300 persoas, a quen lle entregaron rosas rosadas e vermellas, en lembranza da modelo, e tarxetas con forma de corazón para que deisaxen mensaxes sobre a súa sepultura. O mozo de Smith, Howarde K. Stern, saudou a un grupo de curiosos que quixeron presenciar o funeral de Smith tralas reixas que custodiaban a privacidade do evento, entre eles residentes, turistas e paparazzi; porén, só algúns reporteiros gráficos tiveron acceso á igrexa.

Despois da cerimonia, Anna foi enterrada no cemiterio Lakeview xunto ao seu fillo Daniel, cumprindo coa vontade expresada por Anna no seu testamento.

Filmografía

Ano	Título	Personaxe	Notas
1994	The Hudsucker Proxy	Za-Za
1994	Naked Gun 33⅓: The Final Insult	Tanya Peters
1995	To the Limit	Colette Dubois
1996	Skyscraper	Carrie Wink
1998	Anna Nicole Smith: Exposed	Herself	Tamén acreditada como directora, guionista e produtora
2003	Wasabi Tuna	Ela mesma
2007	Illegal Aliens	Lucy	Estreado postumamente

Na cultura popular

A ópera de Mark-Anthony Turnage sobre Smith Anna Nicole estreouse o 17 de febreiro de 2011 na Royal Opera House, con críticas diversas.

Véxase tamén

Ligazóns externas

• Anna Nicole Smith at the FBI Vault