Anna Maleras Colomé
| Biografía | |
|---|---|
| Nacemento | 1940 Barcelona |
| Datos persoais | |
| País de nacionalidade | España  |
| Educación | Institut del Teatre |
| Actividade | |
| Ocupación | Coreógrafa, bailarina |
| Empregador | Gran Teatre del Liceu (en)  |
| Profesores | Joan Magriñá (pt) e Emma Maleras Gobern (en) |
| Alumnos | Marta Almirall i Elizalde (en) , Montserrat Colomé i Pujol (en) , Cesc Gelabert (pt) e Ramón Oller (pt) |
| Lingua | Lingua castelá e lingua catalá |
Premios
| |
Anna Maleras Colomé, nada en Barcelona en 1940, é unha bailarina e coreógrafa coñecida pola súa tarefa de difusión da danza contemporánea en España. Foi pioneira da danza contemporánea e do jazz (danza do teatro e do cine musical).[1] En 1967 creou o Estudi Anna Maleras, que xunto a Heura foron as primeiras escolas de danza contemporánea de Cataluña.
Traxectoria[editar | editar a fonte]
Formouse en danza clásica, escola de bolos e danza española en Barcelona. Aos seis e sete anos aprendeu danza española e clásica con Dolores Rusca, que lle permitiu asistir ás súas clases gratuitamente, algo que Maleras lembra como clave na súa carreira, xa que a súa familia non podía pagar por elas. Joan Magriñá tamén foi fundamental na súa carreira, tamén porque lle daba clases gratuítas dende os dezaseis anos e co que seguiu aprendendo aínda despois de abrir o seu estudo de danza, como ela mesma conta nas súas memorias. [2] [3]
Colaborou con numerosos bailaríns, coreógrafos e profesorado de danza moderna, jazz e contemporáneo de varios países de todo o mundo. Titulouse polo Instituto do Teatro de Barcelona.
Formou parte como bailarina do Gran Teatro do Liceo coa compañía de Joan Magriñà. En 1967 creou a súa escola, chamada entón Estudi Anna Maleras e que posteriormente pasou a chamarse Escola de dansa Anna Maleras.
Na década dos 70 revolucionou a danza, cansada da oferta limitada que había até o momento (escola boleira de Barcelona ou de Madrid-Sevilla, flamenco, danza clásica española e danza clásica) incorporou a danza que se facía noutros países, e especialmente a danza moderna, o jazz, o claqué e o contemporáneo.[1]Maleras quería ir máis alá e cando Walter Nicks coreógrafo en Suecia de West side Story, impartiu a primeira clase de jazz en Barcelona, decatouse de como este musical lles abriu a mente a ela e a outras persoas con moita gana de aprender.[1]
No seu primeiro obradoiro, en Mallorca (1976), introduciu o jazz e a danza moderna e ensinouno durante nove edicións ata trasladalo a Begur e posteriormente a Sitges.[1]En 1979 creou a compañía de danza Grup Estudi Anna Maleras, que dirixiu ata o ano da súa disolución, en 1989.
Foi nomeada vogal do Consello de Danza do Ministerio de Cultura en 1997 e dende 2009 pertence ao Consell d'Assessors Artístics do Gran Teatre del Liceu.[4] De 1997 a 2004 formou parte do xurado do Local Nacional de Cataluña.
Formou grandes figuras como Francesc Bravo, Avelina Argüelles, Montse Colomé, Marta Almirall, Ramón Oller ou Cesc Gelabert. Como curiosidade, entre o seu alumnado estivo o escritor Luis Racionero. [1]
En 2017, declarou nunha entrevista coa Axencia EFE, a "necesidade de educar a sensibilidade dos nenos, o coñecemento do seu propio corpo e das súas posibilidades harmónicas, sempre vinculadas a unha boa aprendizaxe musical, seguindo o modelo educativo suízo". Deste xeito reivindicou o ensino da danza nos centros educativos como parte dos plans de estudo. [3]
Premios e honras[editar | editar a fonte]
- 2019ː Medalles d’Or al Mèrit Cultural del Ayuntamiento de Barcelona, junto a Cesc Gelabert.[5][4]
- 2008: Creu de Sant Jordi, da Generalitat de Cataluña.[6]
- 2004: Premio de l'Associació de Professionals de la Dansa de Cataluña.
- 1999: Premi Nacional de l'ensenyament de les Arts, en l'especialitat de dansa contemporània
- 1999: Premi Cesc Gelabert
- 1995: Medalla de Plata ao Mérito a las Bellas Artes del Ministerio de Cultura.[7]
- 1988: Premio Nacional da Danza, de la Generalidad de Cataluña
- 1985: Premio a profesionalidade, da Universidade de Barcelona e Ràdio 4
Notas[editar | editar a fonte]
- ↑ 1,0 1,1 1,2 1,3 1,4 "Anna Maleras, que introdujo en España el jazz y el contemporáneo en el baile, ofrece un taller en La Caldera" (en castelán). 2010-03-31. Consultado o 2024-03-25.
- ↑ Fábegra i Gorriz, Jordi. "Anna Maleras, pasión por la danza". ISBN 9788498037647.
- ↑ 3,0 3,1 "Coreógrafa Anna Maleras pide introducir la danza como asignatura en escuelas" (en castelán). 2017-06-25. Consultado o 2024-03-25.
- ↑ 4,0 4,1 "Barcelona lliura la Medalla d'Or al Mèrit Cultural als ballarins i coreògrafs Cesc Gelabert i Anna Maleras, i al Mèrit Científic a la Facultat de Nàutica de Barcelona : Servei de Premsa". Consultado o 2021-01-15.
- ↑ "Anna Maleras i Cesc Gelabert, Medalles d'Or al Mèrit Cultural de Barcelona" (en catalán). 2019-02-24. Consultado o 2024-03-25.
- ↑ "Acords de govern. Generalitat de Catalunya". 2008-05-20. Archived from the original on 20 de maio de 2008. Consultado o 2024-03-25.
- ↑ "Medallas de Plata al Mérito en las Bellas Artes - Premios 1995".
Véxase tamén[editar | editar a fonte]
Ligazóns externas[editar | editar a fonte]
- Anna Maleras Escola de Danza Anna Maleras (en catalán)
