Anaricádidos

Na Galipedia, a Wikipedia en galego.
Saltar ata a navegación Saltar á procura
Anarhichas lupus

Os anaricádidos (Anarhichadidae), peixes lobo, son unha familia de peixes mariños incluída na suborde Zoarcoidei, da orde dos perciformes.

Morfoloxía[editar | editar a fonte]

Caracterízanse polo seu corpo moderadamente alargado (excepto o Anarrhichthys ocellatus, que é extremadamente alargado e semella unha anguía, con tamaños de ata 2 m de lonxitude), cilíndrico na parte anterior e comprimido lateralmente na parte posterior .

A aleta dorsal é única, longa, continua e de altura uniforme, desde a cabeza á cola. Posúe 69-88 radios brandos no xénero Anarhichas e 218-250 no Anarrhichthys. Na aleta anal, tamén longa e de altura uniforme, hai 42-55 e 180-233 radios, respectivamente. A aleta caudal, pequena e redondeada, está separada da dorsal e da anal por un pedúnculo curto. Faltan as aletas pélvicas (ou ventrais).

Posúen unha boca ancha, forte e poderosa, con grandes e fortes dentes caniniformes no extremo anterior e con forma de molares nos lados e no vómer.

Hábitat e bioloxía[editar | editar a fonte]

Distribúese polas costas dos océanos Atlántico e Pacífico.

Taxonomía[editar | editar a fonte]

Comprende 2 xéneros e 5 especies:

  • Xénero Anarhichas
    • Anarhichas denticulatus (Krøyer, 1845)
    • Anarhichas lupus (Linnaeus, 1758)
    • Anarhichas minor (Olafsen, 1772)
    • Anarhichas orientalis (Pallas, 1814)
  • Xénero Anarrhichthys
    • Anarrhichthys ocellatus (Ayres, 1855)

Véxase tamén[editar | editar a fonte]

Ligazóns externas[editar | editar a fonte]