Ana Jesús López Díaz
| Biografía | |
|---|---|
| Nacemento | 25 de xuño de 1965  (58 anos)A Pobra do Brollón, España |
| Datos persoais | |
| País de nacionalidade | España |
| Educación | Universidade de Santiago de Compostela (1983–1988) Universidade de Santiago de Compostela |
| Actividade | |
| Ocupación | investigadora , profesora |
| Empregador | Universidade da Coruña (1990–) |
 | |
Ana Jesús López Díaz, nada o 25 de xuño de 1965 na Pobra do Brollón, é unha profesora universitaria e investigadora galega.
Traxectoria[editar | editar a fonte]
É licenciada en Física e doutora en Ciencias Físicas pola Universidade de Santiago de Compostela coa tese Cinética de la reacción y diagrama TTT de curado para el sistema apoxídico diglicidil éter de bisfenol A (DGEBA) y 1,3-Bisaminometilciclohexano. Profesora Titular da Universidade da Coruña, Escola Politécnica Superior,[1] no Departamento de Enxañaría Naval, área de Enxañaría Mecánica, docencia de Mecánica, Metroloxía e Control de Calidade e Tecnoloxías Emerxenes de Fabricación.[2] Traballa na UDC no Campus de Ferrol.
Colabora co Laboratorio de Aplicacións Industriais do Láser (LAIL):[3] procesos de ablación láser e aplicación á análise e conservación de materiais de interese patrimonial así como á funcionalización, mediante texturizado, de materiais para implantes biomédicos.[4]
Desde a Oficina para a Igualdade de Xénero da Universidade da Coruña foi a responsable da elaboración do Primeiro Plan de Igualdade (2013-2017) e do Segundo Plan de Igualdade (2019-2023) e do Protocolo para a prevención e actuación fronte ao acoso sexual e acoso por razón de sexo, levando a cabo ademais distintas accións para promover a introdución da perspectiva de xénero na docencia e na investigación.[5] É parte activa na Xornada Universitaria Galega en Xénero das tres universidades públicas galegas.
Socia fundadora en 2015 da Asociación de Mulleres Investigadoras e Tecnólogas en Galicia, AMIT-Gal, nodo galego da asociación AMIT, que preside, e desde o 8-M ten aberto á participación en redes o proxecto "No more Matildas", para a achega de datos sobre galegas na ciencia.[6] Desde 2018, vicepresidenta do Grupo Especializado Mulleres en Física da Real Sociedad Española de Física.[7][8]
Premio da Real Sociedad Española de Física, modalidade “Materiales Didácticos de Física” en “Física+Matemáticas en Acción” 2003.
Colaborou en varios libros colectivos e revistas especializadas en Física e problemas de xénero.[2]
Publicacións[editar | editar a fonte]
- Metodos experimentales para el laboratorio de Física (2002). Ferrol: Tórtulo. ISBN 84-8408214-8.
- Prácticas de Física (2002). Ferrol: Reprografía Noroeste. ISBN 84-9320-795-0.
- Violencias de género. Persistencia y nuevas formas (2019). Catarata. 192 páxs. ISBN 978-84-9097-836-8
Libros colectivos[editar | editar a fonte]
- II Xornada Universitaria Galega en Xénero (2014). Universidade da Coruña. ISBN 978-84-9749-599-8.
- Trazos de xénero no século XXI: III Xornada Universitaria Galega en Xénero, Pontevedra, 5 de xuño 2015 (2015). Universidade de Vigo. ISBN 978-84-8158-694-7.
- Transformando dende a universidade: V Xornada Universitaria Galega en Xénero, XUGeX (2017). Universidade de Vigo. ISBN 978-84-8158-766-1.
- (Re)construíndo o coñecemento: A Coruña, 14 de xuño de 2019 (2019). Universidade de Santiago, Coruña e Vigo. ISBN 978-84-9749-758-9.
Notas[editar | editar a fonte]
- ↑ administrador. "Ana Jesús López Díaz". Executivas. Consultado o 2021-04-27.
- ↑ 2,0 2,1 "Ficha de Ana Jesús López Díaz". udc.es. Consultado o 27/04/2021.
- ↑ "Ficha do grupo de investigación". udc.es. Consultado o 27/04/2021.
- ↑ "Ana Jesús López Díaz". AMIT (en castelán). 2014-07-23. Arquivado dende o orixinal o 27 de abril de 2021. Consultado o 2021-04-27.
- ↑ "As sabias". Catedra Feminismos. Consultado o 2021-04-27.
- ↑ Triñáns, Ana. "Ana Jesús López: "Na carreira investigadora vaise perdendo polo camiño o talento das mulleres"". Nós Diario. Consultado o 2021-04-27.
- ↑ "Ana Jesús López Díaz". catarata. Consultado o 27/04/2021.
- ↑ "Real Sociedad Española de Física - Grupo Especializado de Mujeres en Física". rsef.es (en castelán). Consultado o 2021-04-27.
