Amil Ximun Nuna

Na Galipedia, a Wikipedia en galego.
إميل شمعـون نونا
"(Amil Ximun Nuna)"
Arcebispo da Igrexa católica caldea (Igrexa católica)
Biografía
Nacemento1 de novembro de 1967 en Al-Qux (Iraq)
Ordes
Ordenación sacerdotal11 de xaneiro de 1991
Consagración episcopal8 de xaneiro de 2010, por Manu‎‎el III Dali
Arcebispo de San Tomé o Apóstolo de Sydney
2015 - actualidade
PredecesorXibrail Kasab
Outros
Ficha en catholic-hierarchy.org

Amil Ximun Nuna[1] (en árabe: إميل شمعـون نونا), nado en Al-Qux (Iraq) o 1 de novembro de 1967, é un eclesiástico católico caldeo, arcebispo de Mosul entre 2009 e 2015, e dende 2015 arcebispo de San Tomé o Apóstolo de Sydney.

Traxectoria[editar | editar a fonte]

Naceu nunha familia asiro-caldea de Al-Qux o 1 de novembro de 1967. Logo de completar a súa educación secundaria, en 1985 entrou no Seminario Patriarcal Caldeo e foi ordenado sacerdote o 11 de xaneiro de 1991 en Bagdad.

Entre 1993 e 1997 foi vigairo parroquial en Al-Qux, e posteriormente párroco até 2000, cando marchou a estudar Teoloxía á Pontificia Universidade Lateranense. Graduouse en 2005 e volveu a Al-Qux.

O 5 de maio de 2009 o Sínodo dos Bispos da Igrexa Católica Caldea elixiu a Nuna como arcebispo de Mosul, e o papa Bieito XVI aceptou a súa escolla o 13 de novembro de 2009. A sé estaba vacante dende o asasinato do seu arcebispo Bulus Farax Rahu en 2008. Amil Nuna recibiu a consagración episcopal o 8 de xaneiro de 2010 de mans do patriarca de Babilonia Manuel III Dali.

Coa toma de Mosul e dos territorios da chaira de Nínive polo Estado Islámico, a súa arquidiocese deixou na práctica de existir. O 15 de xaneiro de 2015 Nuna foi nomeado arcebispo ad personam de San Tomé o Apóstolo de Sydney, con xurisdición sobre todos os caldeos de Oceanía.

Notas[editar | editar a fonte]

  1. Tamén Emil Shimoun Nona.