Alburno
| Alburno (Alburnus alburnus) | |||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| |||||||||||||||||||||||||
| Estado de conservación | |||||||||||||||||||||||||
 Pouco preocupante | |||||||||||||||||||||||||
| Clasificación científica | |||||||||||||||||||||||||
| |||||||||||||||||||||||||
| Nome binomial | |||||||||||||||||||||||||
| 'Alburnus alburnus' | |||||||||||||||||||||||||
O alburno (Alburnus alburnus) é un peixe de auga doce da familia dos ciprínidos.
Descrición[editar | editar a fonte]
O seu corpo é alongado e plano. A cabeza é puntiaguda e a súa boca relativamente pequena está xirada para arriba. A aleta anal é longa e ten de 18 a 23 raios. A liña lateral é completa. Ten unha cor prateada brillante, e as aletas son puntiagudas e sen cor. A súa lonxitude máxima é de aproximadamente 25 cm.
Especie invasora na Península Ibérica[editar | editar a fonte]
Na Península Ibérica introduciuse esta especie de forma ilegal como peixe para alimentar a outras especies exóticas tamén invasoras predadoras, en especial o blackbass e o lucio. Debido ao seu potencial colonizador e a constituír unha ameaza grave para as especies autóctonas, os hábitat ou os ecosistemas, esta especie foi catalogada no Catálogo español de especies exóticas invasoras, aprobado polo Real Decreto 1628/2011, de 14 de novembro, e está prohibida en España a súa introdución no medio natural, posesión, transporte, tráfico e comercio.
Distribución no mundo[editar | editar a fonte]
Vive en Europa e Asia occidental. Aparece no norte do Cáucaso, Pireneos e Alpes, e cara ao leste desde a conca do río Volga e no noroeste de Turquía. Está ausente da maior parte das penínsulas do sur de Europa e da maioría das illas británicas, agás do sur de Inglaterra, aínda que foi introducido localmente (e converteuse en especie invasora) en España, Portugal, e Italia.
Ecoloxía[editar | editar a fonte]
Vive en grandes bancos e aliméntase de pequenos moluscos, insectos que caen á auga, larvas de insectos, vermes e detritos vexetais. Encóntrase en corentess e lagos. Prefire as augas abertas e encóntrase en gran número onde haxa un fluxo de comida procedente de estacións de bombeo ou detrás de represas.
Desove[editar | editar a fonte]
Desova preto da beiras dos ríos en augas pouco profundas. Algunhas postas encontráronse en augas profundas. O substrato non é importante. Poñen de 5000 a 6500 ovos por femia, que fan eclosión en 5-10 días e as crías maduran en 2 ou 3 anos.[1]
Importancia[editar | editar a fonte]
É unha importante fonte de alimento para outros peixes predadores. É máis sensible á polución que outros ciprínidos, o que podería explicar o ser declive no noroeste de Europa.
Usos[editar | editar a fonte]
Tense utilizado como isco na pesca deportiva doutros peixes máis grandes. Antes, das súas escamas extraíase un material que se utilizaba para recubrir as perlas artificiais.[1]
Notas[editar | editar a fonte]
- ↑ 1,0 1,1 Peter S. Maitland, Keith Linsell. Guía de los peces de agua dulce de Europa. Editorial Omega, Barcelona, 1980. Páxina 158. ISBN 84-282-0566-3
 |
Wikimedia Commons ten máis contidos multimedia na categoría: Alburno |
- Freyhof, J. & Kottelat, M. (2008). "Alburnus alburnus". Lista Vermella de especies ameazadas. Versión 2014.1 (en inglés). Unión Internacional para a Conservación da Natureza. Consultado o 24 de xullo de 2014.
- Sistema Integrado de Información Taxonómica. "Alburnus alburnus (TSN 163663)" (en inglés).
- Froese, Rainer e Pauly, Daniel, eds. (2005). "Alburnus alburnus" en FishBase. versión 10 2005
- Este artigo contén textos da edición de 1911 da Encyclopædia Britannica, dispoñible sen restricións coñecidas de dereito de autor.
|
Este artigo sobre zooloxía é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |