Alberto Garaizábal

Alberto Garaizábal
Biografía
Nacemento	7 de decembro de 1875 ; Donostia, España
Morte	13 de decembro de 1947 (72 anos)
Actividade
Ocupación	organista
Instrumento	Órgano

Alberto Garaizábal Macazaga, nado en Donostia o 7 de decembro de 1875 e finado na Coruña o 13 de decembro de 1947, foi un músico, director, profesor e compositor vasco,^[1] residente en Galicia dende 1914.

Traxectoria

Garaizábal realizou estudos de piano, órgano, harmonía e composición con Bonifacio de Etxeberria, primeiro no Conservatorio de San Sebastián e, máis tarde, como axudante do seu mestre co órgano da igrexa de San Vicente. Desde 1895 e ata 1914 foi organista da igrexa parroquial de Zumarraga. En 1914 logrou a praza de organista na igrexa do Sagrado Corazón da Coruña^[2]. Na Coruña dedicouse tamén ao ensino privado pero a partir de 1933 foi director da agrupación de instrumentos de arco da a Sociedade Filharmónica da Coruña, que Garaizábal transformou na Orquestra Filharmónica Coruñesa. Ademais o seu labor foi fundamental para a constitución en 1935^[3] do Conservatorio, converténdose Garaizábal no seu primeiro director.

Obra

Garaizábal realizou para a súa orquestra un gran número de adaptacións de obras do repertorio da época. Así e todo, a maior parte da súa produción orixinal está dedicada ao culto relixioso e amosa un absoluto respecto polas normas litúrxicas do momento. Os seus traballos para órgano expresan unha gran modernidade na súa textura, procedente da influencia do repertorio dos vangardistas franceses. Tamén salientan as súas obras corais en galego.

Música sinfónica

Himno gallego
Preludio-cancion

Música para coro e orquestra

Ecce Sacerdos Magnus
Himno para la coronación de la Virgen de los Dolores
Lacrymosa
Miserere
O vos omnes

Música para coro e órgano

Angelus Dominio
Ave Maria
Himno al trabajo
Francisco de Asís
Madre del alma
Plegaria a la Virgen del Carmen
Villancico al Niño Dios

Música para coro

Alalá de Triscastela
Foliada de Calara
Os meus pensamentos
Villancico gallego

Música para voz e órgano

Bendita sea tu pureza
Himno de las congregaciones marianas

Música para órgano

Andante
Communio
Ofertorio

Música para piano

Fandango
Gavota
Minueto
Valtz brillante

Notas

↑ Diccionario de la música española e hispanoamericana. Vol. 5. Sociedad General de Autores y Editores, p. 372.
↑ "Garaizabal Macazaga, Alberto - Auñamendi Eusko Entziklopedia". aunamendi.eusko-ikaskuntza.eus (en éuscaro). Consultado o 2020-01-07.
↑ Xoán Manuel Carreira "Alberto Garaizábal Macazaga (1875-1947) y la vida musical de A Coruña" Musiker: Cuadernos de música, ISSN 1137-4470, Nº. 4, 1988, páx. 193-229

[:0-1] Diccionario de la música española e hispanoamericana. Vol. 5. Sociedad General de Autores y Editores, p. 372.

[2] "Garaizabal Macazaga, Alberto - Auñamendi Eusko Entziklopedia". aunamendi.eusko-ikaskuntza.eus (en éuscaro). Consultado o 2020-01-07.

[3] Xoán Manuel Carreira "Alberto Garaizábal Macazaga (1875-1947) y la vida musical de A Coruña" Musiker: Cuadernos de música, ISSN 1137-4470, Nº. 4, 1988, páx. 193-229

[1]

[2]

[3]