Agustín Portela Paz
| Biografía | |
|---|---|
| Nacemento | 3 de xaneiro de 1906  Pontevedra, España |
| Morte | 6 de decembro de 1992 (86 anos) Pontevedra, España |
| Educación | Escola Técnica Superior de Enxeñeiros Industriais de Madrid |
| Actividade | |
| Ocupación | debuxante e aparellador |
| Membro de | |
| Familia | |
| Fillos | César Portela |
| Pai | Francisco Portela Pérez |
  | |
Agustín Portela Paz, nado en Pontevedra o 3 de xaneiro de 1906 e finado na mesma cidade o 6 de decembro de 1992, foi un debuxante e aparellador galego.
Traxectoria
[editar | editar a fonte]Fillo de Francisco Portela Pérez. Cursou estudos de bacharelato en Pontevedra onde tivo como profesor de debuxo a Castelao. Trasladouse a Madrid e realizou estudos nas escolas de Enxeñeiros Industriais, Aparelladores e Belas Artes. De regreso a Pontevedra, traballou como aparellador no Concello e na Deputación Provincial, e presidiu o Colexio de Aparelladores durante 22 anos. Vinculado ao Partido Galeguista, foi promotor e fundador da Liga de los Derechos del Hombre en España. Durante o franquismo sufriu varios procesos.
Obra
[editar | editar a fonte]É autor dunha extensa obra como debuxante e aguafuertista e ilustrou libros de autores galegos. Colaborou en revistas e periódicos e publicou en 1947 unha colección de debuxos con notas de escritores como Otero Pedrayo, Vicente Risco e Fermín Bouza Brey co título Pontevedra, boa vila. Tamén ilustrou o libro Pontes do Lérez (1987) e publicou en 1992 O Trasno. Traballa o linóleo coas planchas de "O Mayo", "Peixeira" e a muller que vai ao mercado coa filla e mais a galiña; colabora na escola linoelista de Spes.
Vida persoal
[editar | editar a fonte]Foi pai de César Portela.
Véxase tamén
[editar | editar a fonte]Bibliografía
[editar | editar a fonte]- Portela Sandoval, Francisco José (2005). "Galicia en los dibujos de Agustín Portela". Madrygal. Revista de Estudios Gallegos (8): 135–144. Consultado o 12 de novembro de 2013.
