Acusados é unha serie de televisión producida por Ida y Vuelta (produtora doutros éxitos como Motivos personales), estreada en Telecinco o 28 de xaneiro de 2009 con discretos aínda que bos resultados de audiencia, batendo a súa propia marca nos 2 últimos capítulos, excedendo a barreira dos 3 millóns de espectadores.
O incendio da discoteca Metrópolis será o punto de partida da investigación levada pola xuíza Rosa Ballester (Blanca Portillo). O seu principal sospeitoso, Joaquín de la Torre (José Coronado), un importante político do país, verase involucrado nunha trama de misterios, sospeitas e secretos, que lle levarán ao esborralle da súa reputación fronte ao seu partido político. Xunto ao seu fillo Alejandro de la Torre (Alberto Amarilla) e o seu avogado Ricardo Díaz (Aitor Mazo), intentarán saír do caso, pero a xuíza Ballester e o seu equipo, formado por Jorge Vega (Daniel Grao), Julio Almagro (Joseba Apaolaza) e Isabel Holgado (Isabel Serrano), non perderán nin un minuto en demostrar a culpabilidade do político no caso Metrópolis, descubrindo que o suceso non vira ao redor dun "simple" incendio, senón a ocultar nel o asasinato dunha moza, Ana Sánchez (Andrea Guasch). Terán que enfrontarse á noiva de Jorge, Laura (Silvia Abascal) e á irmá desta, a xornalista Sonia Nieto (Anna Allen), sen saber que todo o asunto salpicará ao círculo familiar da xuíza. As súas fillas Marina (Natalia Sánchez) e Patricia Domenech (Carla Nieto) serán a peza clave que permita a resolución do caso.
Tras a morte do xornalista Espinosa, a xuíza Ballester (Blanca Portillo) se cerne na investigación do seu asasinato. A filla de Espinosa, Alba, que se atopaba na escena do crime, podería ser moi útil é a resolución do caso, polo que Ballester e o seu equipo farán o posible por dar con ela. Joaquín de la Torre (José Coronado) volverá meterse no medio da investigación cando alguén que se fai chamar Job intentou matalo e agora mándalle cartas ameazadoras de forma anónima. Jorge Vega verase no punto de mira neste caso ao acharse as súas pegadas na escena do crime. Quen matou a Espinosa? Quen quere matar a Joaquín de la Torre? Quen é Job?
