Actinochrysophyceae

Axodinos
Clasificación científica
Dominio: Eukaryota (sen clasif.) SAR Superfilo: Heterocontófitas Filo: Ochrophyta Clase: Actinochrysophyceae Mikrjukov & Patterson, 2001
Xéneros
Dictyochales/Silicoflagellata    Dictyocha Rhizochromulinales    Rhizochromulina Actinodines    Pedinellales       Pedinella       Apedinella       Pseudopedinella       Mesopedinella       Parapedinella       Actinomonas       Pteridomonas    Ciliophryida       Ciliophrys    Actinophryida       Actinophrys       Actinosphaerium Florenciellales    Pseudochattonella
Sinonimia
Actinochrysea Cavalier-Smith et al. 1995 Axodines Patterson, 1994 Dictyochophyceae Silva, 1980, emend. Moestrup, 1995, sensu lato

Os axodinos, Dictyochophyceae sensu lato, Actinochrysia ou Actinochrysophyceae, son un grupo de algas unicelulares heterocontófitas. Foron previamente clasificadas dentro de Chrysophyceae .

Esta clase inclúe aos pedinélidos, os silicoflaxelados e os rhizochromulinas .

Características

Destacan por posuír un único e saínte flaxelo, que non ten unha estrutura basal como os dos grupos próximos, e que se estende ao longo dunha estrutura con forma de á, que a soporta unha estrutura tubular interna. Teñen tentáculos, ou axopodios, mantidos por triades de microtúbulos que van dende o núcleo celular á superficie celular.

Clasificación

Orde Dictyochales

Nesta orde atópanse os silicoflaxelados, que son especies de plancto mariño que forman esqueletos de silicio. Destacan, por ese exoesqueleto, no rexistro fósil.

Orde Pedinellales

A orde dos pedinélidos contén a meirande parte das especies de axodinos. Son especies de augas fluviais e mariñas. En xeral son sésiles e viven ancoradas no substrato por un talo posterior. Teñen un flaxelo na parte anterior da célula e tentáculos bordeándoo, o que lle permite cazar presas grazas ás correntes de auga.

Orde Rhizochromulinales

A orde de rhizochromulinas está composta pola especie mariña ameboide Rhizochromulina marina. Agrúpase dentro dos axodinos pola estrutura das súas zoosporas. É filoxeneticamente máis próxima aos pedinélidos ca aos dictiocálidos.