Atol Abemama

Na Galipedia, a Wikipedia en galego.
(Redirección desde «Abemama»)
Abemama
Atol Abemama
Datos
País Kiribati
Illa principal Tabiang
Linguas
Poboación (2010) 3.213
Superficie 27´37 km²
Superficie lagoa km²
Nº de illas 5
Coordenadas 0°24′N 173°50′L / 0.400, -173.833
Maior Altura 3 m.
Localización
Localización do atol Abemama

Abemama (tamén coñecido como Abamama, Apamama, Dundas, Illa Hopper, Illa Roger Simpson ou Illa Simpson) é un atol coralino pertencente á República de Kiribati localizado no centro do conxunto das Illas Gilbert, no océano Pacífico central. Atópase 152 km ao sueste de Tarawa e xusto ao norte da liña ecuatorial. A illa é exportadora de copra.

Xeografía[editar | editar a fonte]

Ten unha área de 27´37 km² e unha poboación de 3.213 habitantes . Os illotes que conforman o atol rodean unha profunda lagoa central. A parte oriental de Abemama está unida por camiños elevados permitindo a circulación de automóbiles entre os illotes. As illas periféricas de Abatiku e Bike están situadas ao sur oeste do atol.

O pobo de Kariatebike é o centro gobernamental do atol, o cal inclúe un edificio administrativo, un posto de policía e un hospital. No extremo norte de Abemama existe unha pista aérea, preto da aldea de Tabiang.

Abemama ten unha superficie de 27,39 quilómetros cadrados, cunha anchura que varía de 50 ma 2 km. A illa ten 3 illas principais, o illote máis grande e principal conta con 11 aldeas e é o fogar da maioría da poboación. Abatiku, un illote situado no arrecife do noroeste, e Biike xusto ao sur da mesma, teñen poboacións moito máis pequenas.

A illa ten unha gran lagoa onde abundan os peixes e crustáceos. Tamén hai algunhas granxas de algas mariñas. Construíronse calzadas para enlazar todas as aldeas no illote principal facilitando o transporte. A illa aseméllase a unha letra "G" incompleta, o arrecife conta con dúas pasaxes, un atópase entre Abatiku e o pobo de Tabiang no extremo norte occidental. O outro está entre Biike e Kenna, no extremo sur do illote principal. A illa está rodeada dun arrecife visible no lado de barlovento e dun arrecife mergullado no lado de sotavento onde están situados Biike e Abatiku. A maioría dos cultivos alimentarios importantes en Kiribati como o coco, taro xigante, pandanus e árbores do pan danse ben en Abemama.[1]

Historia[editar | editar a fonte]

Declaración do protectorado de Abemama polo Capitán Davis, o 27 de maio de 1892

A illa foi descuberta en 1799 polo capitán Charles Bishop, quen a nomeou "Illa Roger Simpson", en honra a un dos seus asociados.

Entre mediados e finais do século XIX, Abemama foi gobernada por un só xefe supremo. Isto contrasta co norte das Illas Gilbert, onde os grupos de familias ou kainga tiñan os seus propios líderes independentes, e os das Gilbert Sur (desde o sur de Nonouti), onde os anciáns ou unimwane reuníanse colectivamente na Maneaba para gobernar.[2] Algunhas fontes europeas describen o xefe da familia de Abemama como "a familia gobernante das Illas Gilbert",[3] pero fontes locais recoñecen que o unimwane manexaba gran parte do poder ata en Abemama e gobernaba a totalidade das Illas Gilbert como unha soa unidade, ata nos tempos modernos.

Pero, o xefe da familia de Abemama ten un longo historial de liderado global, e durante o tempo de Tem Binoka tamén gobernaba Kuria e Aranuka. O xefe da familia gobernante de Abemama segue estando altamente considerado e respectado ata hoxe.[4]

O 27 de maio de 1892, no atol de Abemama, o capitán Davis do HMS Royalist declarou un protectorado británico sobre as Illas Gilbert. Foi un dos últimos intentos de imperialismo británico por parte de Gran Bretaña.

O escritor Robert Louis Stevenson viviu na illa no ano 1889. Cerca do pobo de Tabontebike sitúase a tumba do xefe tirano Tem Binoka, inmortalizado por Stevenson na súa obra "Contos dos mares do sur".

Robert Louis Stevenson, Fanny Vandegrift Stevenson e o seu fillo Lloyd Osbourne pasaron 2 meses en Abemama en 1889. Cerca Tabontebike está a tumba do xefe tirano Tem Binoka, que foi inmortalizado por Stevenson na súa obra "Contos dos mares do sur".[5] Robert Louis Stevenson, Fanny Vandegrift Stevenson e Lloyd Osbourne volveu a Abemama en xullo de 1890 durante a súa travesía no barco de vapor comercial Janet Nicoll.[6]

Durante a segunda guerra mundial, os xaponeses ocuparon a illa desde 1942 a 1943, converténdose logo nunha base militar dos Estados Unidos durante os seguintes dous anos.

Abemama coñecíase anteriormente como illa Roger Simpson,[7] illa Dundas, illa Hopper, ou illa Simpson.[8]

Visitar Abemama[editar | editar a fonte]

Abemama é unha illa de fermosas praias cunha lagoa azul cristalina. En Abemama, aínda se poden atopar restos físicos de reliquias americanas e xaponesas da segunda guerra mundial, santuarios e monumentos e lugares relacionados cos seus deuses tradicionais e o famoso Rei Binoka. Abemama está o suficientemente preto da capital de Tarawa Sur para unha escapada de fin de semana, e a miúdo é visitado polos iates que cruzan pola súa protexida lagoa. A lagoa é abundante en Albula vulpes, unha especie popular entre os pescadores deportivos.

O Aeroporto de Abemama atópase no extremo norte de Abemama cerca do pobo de Tabiang. Conta con conexións regulares con o aeroporto internacional de Tarawa dúas veces por semana, os mércores e domingos.

Hai tres casas de hóspedes en Abemama;. A casa de hóspedes Island Council, casa de hóspedes Chevalier College, e unha casa de campo privada.

Aldeas da illa Abemama
Aldeas da illa Abemama

Notas[editar | editar a fonte]

  1. "Abemama Island Report 2012". Government of Kiribati. Arquivado dende o orixinal o 01 de xullo de 2013. Consultado o 16 de xuño de 2013. 
  2. Resture, Jane. "Abemama". Arquivado dende o orixinal o 06 de xuño de 2013. Consultado o 16 de xuño de 2013. 
  3. Canby, Courtlandt. The Encyclopedia of Historic Places. (New York: Facts of File Publications, 1984) p. 2
  4. "Abemama Fact Sheet" (PDF). Government of Kiribati. [Ligazón morta]
  5. In the South Seas (1896) & (1900) Chatto & Windus; republished by The Hogarth Press (1987)
  6. Fanny Stevenson incorrectly names the ship in The Cruise of the Janet Nichol among the South Sea Islands A Diary by Mrs Robert Louis Stevenson (first published 1914), republished 2004, editor, Roslyn Jolly (U. of Washington Press/U. of New South Wales Press)
  7. Canby. Historic Places. p. 2
  8. "Geody.com, Abemama". Consultado o 25 April 2013. 

Véxase tamén[editar | editar a fonte]