Abel Ares Pérez

Na Galipedia, a Wikipedia en galego.
Saltar ata a navegación Saltar á procura
Abel Ares Pérez
Nacemento29 de marzo de 1909
 Toural dos Vados
Falecemento12 de setembro de 1998
 Toural dos Vados
NacionalidadeEspaña
Ocupaciónmembro da resistência
editar datos en Wikidata ]

Abel Ares Pérez, nado en Toural dos Vaos o 29 de marzo de 1909 e finado na mesma vila o 12 de setembro de 1998, foi un guerrilleiro antifranquista berciano.

Traxectoria[editar | editar a fonte]

Militante socialista, participou na revolución de 1934 e pasou un tempo na cadea. Tras a sublevación franquista de 1936 participou na defensa de Fabeiro e combateu co exército republicano na fronte de Asturias, chegando ao grao de tenente. Tras a caída de Asturias volveu ao seu lugar natal, pasou varios meses agochado un burato nos arredores de Toural dos Vaos, e posteriormente organizou unha partida guerrilleira que actuou no Bierzo occidental. En 1942 foi un dos dirixentes guerrilleiros que constituíron a Federación de Guerrillas de León-Galicia, Abel permaneceu como axudante de César Ríos quen estaba ao mando da I Agrupación. En decembro de 1948 decidiu marchar a Francia ao considerar que non había opción para o triunfo dos guerrilleiros. En Francia traballou como albanel e en 1992 volveu ao Bierzo.

Véxase tamén[editar | editar a fonte]

Bibliografía[editar | editar a fonte]

  • Heine, Hartmut (1982): A guerrilla antifranquista en Galicia. Ed. Xerais.
  • Máiz, Bernardo (1988): Galicia na II República e baixo o franquismo. Ed. Xerais.
  • Macías, Santiago (2005): El monte o la muerte. Temas de Hoy.