A praga escarlata
| A praga escarlata | |
|---|---|
 | |
| Título orixinal | The Scarlet Plague |
| Autor/a | Jack London |
| Orixe | EUA |
| Lingua | galego |
| Colección | Narrativa |
| Tema(s) | Novela postapocalíptica |
| Xénero(s) | Novela |
| Editorial |  London Magazine Urco editora |
| Data de pub. | 1912 2009 |
| Páxinas | 126 |
| ISBN | 978-84-937142-2-2 |
| Tradución | Tomás González Ahola |
| [ editar datos en Wikidata ] | |
A praga escarlata é unha novela postapocalíptica do autor estadounidense Jack London, publicada en 1912 na revista London Magazine co título orixinal en lingua inglesa de The Scarlet Plague. A obra foi traducida ao galego por Tomás González Ahola e publicada por Urco editora en 2009.
Trama[editar | editar a fonte]
A acción ten lugar en California no ano 2073, sesenta anos despois dunha terríbel epidemia, a praga escarlata, que afectou á maior parte da poboación humana en todo o mundo. James Howard Smith, un dos poucos superviventes da época anterior á praga, vive na rexión de San Francisco con tres dos seus netos.
Smith explícalles que el era profesor universitario de literatura, e cóntalles o modo en que a praga comezou en Londres e Nova York, estendéndose por todo o mundo. Smith refuxiouse canda a catrocentas persoas na facultade de Química, pero ante os saqueos e roubos vividos na cidade e as mortes por mor da enfermidade, o grupo minguado decidiu marchar cara á zona rural ao sueste. Ao cabo, quedou el só, e logo de varios anos sobrevivindo contactou con outro grupo de xente. Os superviventes tiveron descendencia, a partir da cal naceron os tres netos: Edwin, Beizodelebre e Hu-Hu.
Consciente de que lle queda pouco tempo de vida, procura transmitirlle aos seus netos a súa sabedoría e os seus valores, así como a importancia da transmisión do coñecemento. Porén, os seus esforzos son baldíos, pois seguen un método de vida de cazadores-recolectores e non conciben a caída da civilización que o seu avó lles conta.
