A Última Floresta

A Última Floresta
Ficha técnica
Título orixinal	A Última Floresta
Director	Luiz Bolognesi
Produtor	Caio Gullane; Fabiano Gullane; Laís Bodanzky; Luiz Bolognesi;
Guión	Luiz Bolognesi; Davi Kopenawa Yanomami;
Fotografía	Pedro J. Márquez
Estudio	Gullane; Buriti Filmes
Distribuidora	Gullane Filmes
Estrea	9 de setembro de 2021
Duración	74 minutos
Orixe	Brasil
Xénero	Documental
Na rede

A Última Floresta é un filme documental brasileiro de 2021 dirixido por Luiz Bolognesi, con guión de Bolognesi e do xamán yanomami Davi Kopenawa.^[1]

Produción[editar | editar a fonte]

O filme ten parcialmente o carácter dun documental e tamén está baseado no libro A Queda do Céu – Palavras de um Xamã Yanomami, escrito polo antropólogo Bruce Albert e lanzado en 2015, enfocándose nas vivencias e tradicións do pobo yanomami e as súas loitas pola supervivencia. As historias están relatadas a través das falas de Kopenawa, que é o personaxe central do libro e do filme.^[2]^[3]^[4] Alén da colaboración con Kopenawa na escrita do guión, Bolognesi contou coa colaboración doutros indíxenas.^[2]

Estrea[editar | editar a fonte]

O filme foi lanzado en marzo de 2021 no Festival Internacional de Cinema de Berlín, sendo o único representante brasileiro, e foi lanzado no Brasil como peche do festival É Tudo Verdade. Dende entón participou en varios festivais e mostras de cinema, entre eles o rec•tyty (primeiro festival de arte indíxena contemporánea), o Visions du Réel, o Docs Barcelona, o Festival Imagem dos Povos, e a Mostra Ecofalante de Cinema Ambiental.^[1]^[5]