Ángel Rodríguez Leira

Na Galipedia, a Wikipedia en galego.
Saltar ata a navegación Saltar á procura
Ángel Rodríguez Leira
 Cariño
Falecemento1975
NacionalidadeEspaña
editar datos en Wikidata ]

Ángel Rodríguez Leira, nado en Cariño e finado en París en 1975, foi un dos primeiros combatentes que, o 26 de agosto de 1944, liberaron París tras tres anos de ocupación nazi.

Traxectoria[editar | editar a fonte]

Pertencía á CNT, pero ao non ser un membro destacado do anarcosindicalismo, foi chamado a filas e obrigado a alistarse no exército sublevado xunto ao seu compañeiro Antonio Yáñez. En canto tiveron oportunidade desertaron e uníronse á causa republicana. Coa derrota republicana fuxiron desde Guardamar del Segura (Alacant) nun bote a remos, cheo de laranxas como provisións, xunto a outras cinco persoas. Conseguiron chegar a Beni Saf (preto de Orán) na Alxeria francesa logo de 17 días de travesía. Foron internados no campo de concentración de Camp Suozzi.

Ángel Rodríguez e Antonio Yáñez tentaron fuxir dúas veces a través do deserto sendo capturados, ofrecéronlles como alternativa ao castigo alistarse na lexión estranxeira. Ángel Rodríguez Leira pasou a chamarse Cariño López, adoptando o nome do seu lugar de orixe, como era habitual na lexión francesa. Remataron enrolados na Compañía La Nueve, formada por 144 exiliados republicanos españois baixo o mando do xeneral Leclerc. A compañía preparouse en África e Inglaterra, desembarcou en Normandía, liberou Estrasburgo e París. La Nueve tiña como misión a avanzada de tropas e sempre era enviada a primeira liña. Os seus homes tiñan a orde de non retroceder nin un palmo de terreo.

Ángel Rodríguez tamén penetrou no Niño de Aguias de Hitler, o santuario do Fürher. Alí os homes de La Nueve fixéronse con diversos obxectos que pertenceran ao ditador alemán. Foi condecorado coa Cruz de Guerra polo xeneral De Gaulle por destruír cinco tanques alemáns nun só día.

Ángel Rodríguez refixo a súa vida en Francia, onde tivo dúas fillas.

Véxase tamén[editar | editar a fonte]

Bibliografía[editar | editar a fonte]

  • Mesquida Mas, Evelyn (2008). La Nueve. Los españoles que liberaron París. Barcelona: Ediciones B. ISBN 978-84-666-2070-3. 

Ligazóns externas[editar | editar a fonte]