¡Asústate, Merche!
| ¡Asústate, Merche! | |
|---|---|
| Autor/a | Fina Casalderrey |
| Orixe | Galiza |
| Lingua |  Galego |
| Colección | Colección Fóra de Xogo |
| Tema(s) | Amor, familia, suicidio, amizade... |
| Xénero(s) | Literatura infantil e xuvenil |
| Editorial | Xerais |
| Data de pub. | Decembro 1994 |
| Formato | Capa branda; 13 x 21 cm |
| Páxinas | 216 páxs. |
| ISBN | 84-7507-843-5 |
| [ editar datos en Wikidata ] | |
¡Asústate, Merche! é unha novela de Fina Casalderrey, publicada por Edicións Xerais en 1994. Está estruturada en tres partes, e consta de 44 capítulos.
Personaxes[editar | editar a fonte]
Principais[editar | editar a fonte]
- Auria é unha adolescente de 15 anos que vive nunha vida que ela non elixiu e que experimenta unha nova experiencia que transforma o seu decorrer vital por completo e a obriga a pensar nunha solución drástica como é o suicidio. Logo dunha viaxe por Europa xunto con persoas coñecidas e tamén descoñecidas descobre o amor, algo que xamais se lle pasara pola cabeza, e descobre que a vida pode chegar a ser máis dura do que se imaxinaba.
- Paio é o sobriño de Salvador, o profesor de relixión e cura da parroquia, e acode xunto co resto do grupo á viaxe que leva ós rapaces por todo Europa, o amor sorpréndeo á volta desta viaxe cando descobre os seus sentimentos por Auria. É adoptado e isto cáusalle certos problemas na súa relación con Auria, a pesar de que esta o descobre case sen querer.
- Merche é o diario de Auria, e a pesar de ser un diario ela veo como se fose unha amiga á que poder contarlle todo o que sente e pensa.
Secundarias[editar | editar a fonte]
- Frida convértese na mellor amiga de Auria logo da viaxe, sofre graves problemas familiares e por iso debe mudarse con toda a familia a Valencia, aínda así non perde o contacto con Auria.
- Salvador é o cura da parroquia ademais do mestre de relixión do instituto no que estuda Auria, a súa fe derrúbase un pouco cando se dá conta de que está namorado da nai de Auria, e estes comparten unha bela historia de amor.
Traducións[editar | editar a fonte]
- Ao catalán por Pau Joan Hernàndez Fuenmayor co título de Ostres, tu, saps què? publicado en 1996 pola Editorial Cruïlla, Col. Gran Angular[1].
- Ao castelán tamén por Pau Joan Hernàndez Fuenmayor co título de ¡Pásmate, Merche publicado en 1997 por Editorial SM, Colección Gran Angular[2].
- Ao portugués por Pedro Nuno co título de Nem te passa! publicado en 1998 por Contemporânea Editora [3].
Notas[editar | editar a fonte]
- ↑ "Copia arquivada". Arquivado dende o orixinal o 12 de marzo de 2018. Consultado o 12 de marzo de 2018.
- ↑ "Copia arquivada". Arquivado dende o orixinal o 12 de marzo de 2018. Consultado o 12 de marzo de 2018.
- ↑ "Copia arquivada". Arquivado dende o orixinal o 13 de marzo de 2018. Consultado o 12 de marzo de 2018.
Véxase tamén[editar | editar a fonte]
Bibliografía[editar | editar a fonte]
- Costas, Concha: Fóra de Xogo. Tecendo lecturas Larousse. Catálogos.
