Universidade de Kingston
| Universidade de Kingston | |
|---|---|
| |
 | |
| Lema | Per Scientiam Progredimur (en latín) Pola Ciencia Progresamos |
| Fundación | 1899 (Instituto de Tecnoloxía) 1970 (Ensino politécnico) 1992 (Universidade) |
| Tipo de institución | Pública |
| Localización | Kingston upon Thames, Londres, Reino Unido
|
| Chanceler | Bonnie Greer[1] |
| Vice-chanceler | Julius Weinberg[2] |
| Total de estudantes | 21.915 |
| Grao | 16.975 |
| Posgrao | 4.935 |
| Campus | Urbano |
| Cores da escola | Azul e branco |
| Páxina oficial | kingston.ac.uk |
A Universidade de Kingston (anteriormente Kingston University London) é unha universidade pública situada en Kingston upon Thames, Londres, Reino Unido.[3] Foi fundada en 1899, porén, só se converteu en universidade en 1992 despois de ser o Kingston Polytechnic.[4]
Historia[editar | editar a fonte]
Kingston foi fundada como Kingston Technical Institute en 1899. En 1930, a Kingston School of Art separouse, para converterse máis tarde en Kingston College of Art. Kingston foi recoñecido como Colexio Rexional de Tecnoloxía polo Ministerio de Educación en 1957. En 1970, fusionouse co College of Art para converterse en Kingston Polytechnic, ofrecendo 34 títulos de licenciatura, dos cales 17 eran graos académicos. [5] En 1975, Kingston fusionouse co Gipsy Hill College of Education, fundado en 1917, incorporando o colexio ao College in Kingston Division of Educational Studies.
A Universidade de Kingston gañou o status universitario a través da Lei de Educación Superior de 1992. En 1993, Kingston abriu o campus de Roehampton Vale e en 1995, Kingston adquiriu o museo Dorich House.[6]
Campus[editar | editar a fonte]
Penrhyn Road[editar | editar a fonte]
Este é o campus universitario principal situado preto do centro do municipio de Kingston. Ademais de equipamentos docentes, conta con biblioteca, centro de saúde e comedor. Alberga cursos de grao en Artes e Ciencias Sociais, Enxeñaría Civil, Topografía e Planificación, Informática e Sistemas de Información e Matemáticas, Ciencias da Terra e Xeografía, Estatística, Biociencias, Farmacia, Química e Ciencias Farmacéuticas e Radiografía. Ao outro lado da rúa está o Reg Bailey Theatre cunha zona escénica utilizada por estudantes de teatro e danza.[7]
Kingston Hill[editar | editar a fonte]
Cos seus propios salóns e numerosos aparcadoiros (incluído o aparcadoiro de sete pisos) Kingston Hill atende principalmente a cursos de Enfermería, Dereito, Educación, Negocios, Música, Saúde e Ciencias Sociais.[8] Antes de 1989 o campus era coñecido como Gipsy Hill.
Knights Park[editar | editar a fonte]
O campus está situado en Grange Road, preto de Penrhyn Road, alberga a Facultade de Arte, Deseño e Arquitectura e ofrece cursos de grao en Arquitectura, Historia da Arte e Deseño, Deseño de interiores, Deseño de produtos e mobles, Deseño Gráfico, Produción de películas, Fotografía, Ilustración e Animación, Belas Artes e Moda.[9]
Roehampton Vale[editar | editar a fonte]
O campus de Roehampton Vale está situado na avenida Friars, nos arredores de Kingston. Abarca a maioría dos cursos de Enxeñaría (excepto Enxeñaría Civil). As instalacións do lugar inclúen un túnel de vento, talleres de enxeñería, simulador de voo, capacidade para voar o avión de negocios Learjet-200, así como recursos de aprendizaxe de automoción e aeronáutica.[10]
Facultades[editar | editar a fonte]
A Universidade de Kingston é dividida en cinco facultades:[11]
- Facultade de Arte, Deseño e Arquitectura
- Facultade de Letras e Ciencias Sociais
- Facultade de Dereito e Empresariais
- Facultade de Sanidade, Asistencia Social e Educación
- Facultade de Ciencias, Enxeñaría e Informática
Exalumnos notábeis[editar | editar a fonte]
- Eric Clapton, guitarrista de rock, cantante e compositor [12]
- Aphex Twin, músico de música electrónica [13]
- David Chipperfield, arquitecto
- Sandy Denny, cantante folk
- Ben Barnes, actor
- Gail Emms, xogadora de bádminton, medallista de prata e ouro nos Xogos da Commonwealth
- Jessie Cave, actriz
- Tom Wright, arquitecto
- Ed McKeever, campión mundial de kaiak e medallista de ouro olímpico
- Keith Relf, cantante de The Yardbirds [14]
Notas[editar | editar a fonte]
- ↑ «Kingston University's new chancellor sets out her aims». Times Higher Education. Consultado no 19 de setembro de 2013
- ↑ «Vice-Chancellor's Team - How the University works - Kingston University London». Consultado o 9 de xulho de 2015
- ↑ "University guide 2017: Kingston University" (en inglés). 25 de maio de 2015. Consultado o 4 de xaneiro de 2017.
- ↑ "A History of Kingston University" (PDF). cdn.kingston.ac.uk (en inglés). 1999. Consultado o 4 de xaneiro de 2017.
- ↑ "Our history - Facts and figures" (en inglés).
- ↑ "Doors to Dorich House Museum, former studio home of Russian sculptor Dora Gordine, reopen after major refurbishment" (en inglés). 27 de novembro de 2015. Consultado o 4 de xaneiro de 2017.
- ↑ "Penrhyn Road campus" (en inglés). Consultado o 4 de xaneiro de 2017.
- ↑ "Kingston Hill" (en inglés). Consultado o 4 de xaneiro de 2017.
- ↑ "Knights Park" (en inglés). Consultado o 4 de xaneiro de 2017.
- ↑ "Roehampton Vale" (en inglés). Consultado o 4 de xaneiro de 2017.
- ↑ "Faculties and schools at Kingston University" (en inglés). Consultado o 4 de xaneiro de 2017.
- ↑ "Kingston University – A–Z Unis & Colleges, Getting Into University". 27 de xullo de 2007.
- ↑ Daniel Montesinos-Donaghy (24 de xullo de 2014). "We Spoke to Johnny Clayton, the Guy Who Made Aphex Twin Creep Us Out" (en inglés). Consultado o 4 de xaneiro de 2017.
- ↑ Ian MacDonald, "Preface to the First Revised Edition." In MacDonald, Revolution in the Head (London: Vintage, 2005), p. xix.
Véxase tamén[editar | editar a fonte]
 |
Wikimedia Commons ten máis contidos multimedia na categoría: Universidade de Kingston  |
Ligazóns externas[editar | editar a fonte]
- sitio web oficial
- Kingston University Student Union
- Sitio web de noticias para estudantes da Universidade de Kingston
| Control de autoridades |
|
|---|
