Topeka, Kansas

Topeka

Bandeira
The City of Topeka
Topeka
Información
País	Estados Unidos
Estado	Kansas
Superficie  • Total	147,6 km²
Poboación  • Total	122.113 (2006)
Densidade	841,8 hab./km²
Altitude	288 m
Alcalde	Bill Bunten (R)
Localización de Topeka
Páxina oficial

Topeka é a capital do estado de Kansas en Estados Unidos. É a cuarta cidade máis grande do estado de Kansas, por detrás de Wichita, Overland Park e Kansas City. Tamén é a capital do Condado de Shawnee, que é foi chamado así xa que era o territorio que orixinalmente ocupaban os indios Shawnee. Segundo o censo do ano 2006, conta cunha poboación de 122.113 habitantes.

O nome Topeka é unha palabra utilizada polos nativos americanos que significa "bo lugar para cultivar patacas". Tres barcos da Armada dos Estados Unidos foron nomeados USS Topeka en honra á cidade. O 1 de marzo de 2010, o Alcalde de Topeka, Bill Bunten emitiu unha proclama pedindo que Topeka fose coñecida durante todo o mes como "Google, Kansas" ou máis concretamente: "Google, Kansas, the capital city of fiber optics" (do inglés: Google, Kansas, a capital da fibra óptica). Isto foi unha estratexia para axudar a "apoiar os esforzos para introducir na cidade o experimento de Google coa fibra óptica", aínda que non foi un troco de nome legal. Avogados asesoraron ao consello de cidade e ao alcalde en contra do troco de nome.

Poboación

Segundo o censo do ano 2006, a cidade contaba con 122.113 habitantes, cuxo orixe étnica era o seguinte:

• 78,52% Raza branca
• 11,71% Raza negra
• 8,86% Hispanoamericanos
• 3,26% Multiraciais
• 1,31% Nativos americanos
• 1,09% Asiáticos
• 0,04% Polinesios
• 4,06% outras orixes

Xeografía

• Altitude: 288 metros.
• Latitude: 39º 02' 53" N
• Lonxitude: 095º 40' 40" O

As coordenadas xeográficas de Topeka son 39°03′N 95°41′W.