Ramón Seoane Suárez
| Biografía | |
|---|---|
| Nacemento | 1916  Vilaboa, España |
| Morte | 20 de agosto de 1976 (59/60 anos) A Coruña, España |
| Datos persoais | |
| País de nacionalidade | España |
| Actividade | |
| Ocupación | membro da resistencia |
| Lingua | Lingua castelá |
| Carreira militar | |
| Conflito | Guerra civil española |
Ramón Seoane Suárez, nado en Vilaboa (Rutis, Culleredo) cara a 1916 e finado na Coruña o 20 de agosto de 1976, foi un guerrilleiro antifranquista galego.
Traxectoria[editar | editar a fonte]
Albanel domiciliado na Corveira, formaba parte do Comité Provincial da Coruña do Partido Comunista de España con Alejandro Gama Casalderrey e Rogelio González Suárez, no que era secretario sindical. Tamén estaba integrando no Radio que funcionaba en Vilaboa con Antonio Naya Regueira, Arcadio Carro Gestal, Darío Caramés Bermúdez e José e Francisco Andrés Pol Loriga. Foi detido pola Garda Civil a principios de 1947, ocupáronlle propaganda, selos de cotización do partido, e varias panfletos coa letra dunha canción guerrilleira que comezaba:
Ay que orgullo tengo de ser camarada,de ser camarada de los guerrilleros,
que están en el monte y entregan su vida
para liberarnos de esta tiranía.
Vivan los guerrilleros
Foi xulgado en consello de guerra na Coruña o 30 de xullo de 1947, xunto con outras 55 persoas, todas acusadas de pertencer ao PCE e de colaborar coa guerrilla. Aínda que o fiscal pediu pena de morte, foi finalmente condenado a cadea perpetua.[1] Finou na Coruña o 20 de agosto de 1976.[2]
Vida persoal[editar | editar a fonte]
Foi pai de María del Carmen, Ramón, Elena, Carlos e Genoveva Seoane Fernández.
Notas[editar | editar a fonte]
Véxase tamén[editar | editar a fonte]
Bibliografía[editar | editar a fonte]
- Lamela García, Luis (2003). "Aspectos desconocidos de la guerrilla del Llano" (PDF). Anuario Brigantino (26): 281–294. Consultado o 1 de maio de 2017.