Río Cardener

Na Galipedia, a Wikipedia en galego.
Río Cardener
Fontes do Cardener
PaísEspaña
NacementoFonts del Cardener (Lleida)
Altitude1.100 msnm
Lonxitude87 km
Caudal medio6,16 m³/s en Manresa
DesembocaduraRío Llobregat

O Cardener é un río de Cataluña, principal afluente do río Llobregat. Nace a unha altitude de aproximadamente 1.100 m, nas Fontes do Cardener, situadas nun val entre as serras de Port del Comte (2.332 m) e a do Verd (2.271 m), no termo municipal de la Coma i la Pedra (Lleida), e desemboca no río Llobregat no termo de Castellgalí, tras 87 km de percorrido.

Na súa canle atópanse os encoros da Llosa del Cavall e Sant Ponç, situados respectivamente nos termos de Sant Llorenç de Morunys e Clariana de Cardener. Este último foi proxectado no ano 1921. En ambos poden practicarse deportes acuáticos.

O río pasa polos municipios de: Sant Llorenç de Morunys, Solsona, Olius, Clariana de Cardener, Cardona, Súria, Callús, Sant Joan de Vilatorrada, Manresa e Castellgalí.