Río Astarpa

Na Galipedia, a Wikipedia en galego.

O río Astarpa é probabelmente o moderno río Gediz e clásico Hermos e atópase ao norte de Esmirna.

O río foi teatro da principal batalla entre o Imperio Hitita e o reino de Arzawa. O rei deste país, Uhha-Ziti, ferido pola caída dun meteorito no seu palacio de Apasa (Éfeso), enviou contra os hititas ao seu exército baixo o mando do seu fillo Piyama-Kurunta; os dous exércitos atopáronse no río, preto da cidade de Walma; os arzawáns serían derrotados e volvéronse en desorde cara a Apasa perseguidos polos hititas. O rei subiu a un barco e fuxiu da cidade; o seu fillo Piyama-Kurunta fuxiu en barco cara a Ahhiyawa e non se sabe se ía co mesmo barco que o pai. Mursilis II, o vencedor, foi o primeiro rei que conquistou permanentemente unha cidade da costa do mar Exeo. A batalla librouse nunha data incerta que se sitúa entre -1325 e -1315, no cuarto ano de reinado de Mursilis II.