Pazo de Saa
| Pazo de Saa | |
|---|---|
 | |
| Concello | Cenlle |
| Provincia | Ourense |
| Comunidade | Galicia |
| Coordenadas | 42°19′34″N 8°05′02″O / 42.32616965785, -8.0839599002655Coordenadas: 42°19′34″N 8°05′02″O / 42.32616965785, -8.0839599002655 |
| Estilo arquitectónico | |
| [ editar datos en Wikidata ] | |
O pazo de Saa é unha construción civil situada na aba de Saa, na parroquia de Sadurnín (concello de Cenlle). Foi unha das casas mais poderosas da comarca do Ribeiro.
Historia[editar | editar a fonte]
Considérase a don Gregorio Arias Mariño, familiar do Santo Oficio, como fundador do morgado e Casa de Saa (fonte Pai Crespo).
Descrición[editar | editar a fonte]
O pazo forma un conxunto arquitectónico rodeado de murallóns que en parte ten continuidade co edificio e en parte o illa dentro da leira.
A fábrica é de perpiaño, presentando unha planta en U coas coxías laterais desiguais e a máis curta formando un ángulo agudo coa central. Pechan os tres corpos un pequeno patio inscrito aberto nun dos lados. A fachada principal e a formada polos tres corpos en torno ao patio.
Nun deles presenta unha solaina de pedra apeada sobre un muro con vans no piso baixo e do que sobresae a repisa moldurada. A cuberta sostense por columnas ben labradas, con base moldurada, fuste liso e capitel formado por un touro. Estas sostéñense sobre pedestais que lles dan maior altura e esvelteza.
No ángulo que fan a fachada sur e a leste vese un garitón apoiado en dous canzorros de dobre moldura, caveto e cuarto bocel, con cornixa máis coidada que o resto do edifico, con seteiras e rica pedra armeira. Na fachada orientada ao nacente hai un gran solaina.
No patio, separada do edificio principal estaba a capela hoxe en día desaparecida.
No garitón escudo de difícil interpretación.
Véxase tamén[editar | editar a fonte]
Outros artigos[editar | editar a fonte]
Bibliografía[editar | editar a fonte]
- Rivera Rodríguez, M. T.: Pazos Ourensanos. Edilesa. Obra Social de Caixanova, 2000.