Palio (dosel)

Para outras páxinas con títulos homónimos véxase: Palio.

Chámase palio,^[1] ou baldaquino,^[2] a un dosel (especie de toldo) que, sostido por varais, utilízase nas procesións para resgardar ao sacerdote que leva ao Santísimo Sacramento, reliquias ou imaxes. Adoita estar bordado ricamente.

Para o mesmo efecto usábano tamén os reis, o papa e outros prelados en certas funcións e na súa entrada pública nas cidades. É costume que o arcebispo arquidiocesano e o bispo diocesano, ao tomaren posesión das súas catedrais, fagan o seu primeiro ingreso solemne baixo palio.

O palio, tal como se coñece na Igrexa católica, é un pano rectangular, sostido por catro ou máis varais, sempre en número par, que van unidas aos lados máis longos daquel. Distínguense o sinxelo e o armado nun bastidor rectangular.

Orixe[editar | editar a fonte]

A orixe do palio puido ser o dosel que quizais debeu gorecer antes o trono dos reis e a cadeira papal.

Non falta quen crea que ese modo de expresión dun respecto relixioso ten a súa orixe nos pobos asiáticos, polo seguinte:

Estes acostumaban colocar ás súas divindades baixo palios, a falta de templos, que a súa vida errante non lles permitía ter, até que construíron casas e cidades.
A forma primitiva do palio é a tenda, cuxo recordo tardou moito tempo en desaparecer, pois o hombre opulento rodeou de cortinas seu leito.

Recorda en certo modo a tenda na que repousaba a Arca da Alianza, que contiña as Táboas da Lei durante o éxodo do pobo de Israel no deserto.