Nakajima Ki-84

Na Galipedia, a Wikipedia en galego.
書.svg Esta páxina contén texto en xaponés.
Se o seu navegador non está axeitadamente configurado pode ver caracteres estraños.
Nakajima Ki-84 Hayate
Nakajima Ki-84 (Army Type 4 Fighter) Mockup (6410732231).jpg
Ki-84 Hayate
Tipo Caza
Fabricante Nakajima
Primeiro voo marzo de 1943
Introducido 1944
Retirado 1945
Principais usuarios Armada Imperial xaponesa
Construídos 3.514

O Nakajima Ki-84 Hayate (四式戦闘機, よんしきせんとうき, Yonshiki-sentōki; 疾風, vendaval) foi un caza monopraza xaponés usado durante a Segunda Guerra Mundial. Voou por primeira vez en marzo de 1943 e entrou en servizo no verán de 1944. A produción total foi de 3.514 exemplares, incluíndo os prototipos experimentais fabricados. Foi alcumado "Frank" polos aliados.

Cun excelente rendemento e unha alta maniobrabilidade, o Ki-84 é considerado un dos mellores cazas xaponeses da guerra. Foi capaz de enfrontarse a calquera avión aliado, e de interceptar ao B-29 Superfortress a gran altitude. O seu potente armamento, formado por dous canóns de 30 mm e dous de 20 mm, incrementou o seu éxito. Aínda que se viu obstaculizado pola pobre calidade de produción dos últimos exemplares, un motor que requería demasiado mantemento, unha tren de aterraxe propensa a torcerse e a falta de pilotos experimentados, o Hayate demostrou ser un temible adversario.