Mary Sherman Morgan
| Biografía | |
|---|---|
| Nacemento | 4 de novembro de 1921  Ray, Estados Unidos de América (pt)  |
| Morte | 4 de agosto de 2004 (82 anos) |
| Datos persoais | |
| País de nacionalidade | Estados Unidos de América |
| Educación | Minot State University (en) |
| Actividade | |
| Ocupación | química , Enxeñeiro de aviación |
Mary Sherman Morgan, nada en Ray o 4 de novembro de 1921 e finada o 4 de agosto de 2004, foi unha enxeñeira química estadounidense, inventora do combustible líquido Hydyne en 1957, que propulsou o Jupiter-C, o foguete que puxo en órbita o primeiro satélite dos Estados Unidos, Explorer 1.[1][2][3][4]
Traxectoria[editar | editar a fonte]
A súa familia que vivía nunha granxa en Ray, Dacota do Norte, era moi pobre e daba pouco valor á educación[5] Trala educación secundaria inscribiuse na Minot State University, para estudar Química. [1]
Carreira profesional[editar | editar a fonte]
Cando estalou a segunda guerra mundial, ofreceronlle o seu primeiro traballo nunha fábrica de municións, encargada da fabricación de trinitrotolueno (TNT), dinitrotolueno (DNT) e explosivos de pentolitos.
Ao remate da segunda guerra mundial solicitou un traballo na aviación norteamericana e foi empregada na división Rocketdyne en Canoga Park, California.[6] Pouco despois da contratación, foi ascendida a especialista en rendemento teórico, un traballo que quería cálculos matemáticos que predicían o rendemento dos propelentes de foguetes.[7] Mary era a única muller entre 900 enxeñeiros e unha das poucas con titulacións universitarias. [1] [8]
Mentres traballaba na aviación norteamericana, Mary coñeceu ao seu futuro marido, George Richard Morgan, un enxeñeiro mecánico graduado en Caltech, e xuntos tiveron catro fillos: George, Stephen, Monica e Karen. [1] [8]
A carreira espacial[editar | editar a fonte]
Durante o desenvolvemento do programa para o vehículo de reentrada de mísiles Jupiter, o equipo de Wernher von Braun usou mísiles Redstone modificados, denominados Jupiter-C. Para mellorar o rendemento da primeira fase, asinaron un contrato coa división Rocketdyne de North American Aviation para obter un combustible máis potente. [9]
Mary traballou no proxecto e foi nomeada xefa debido ao seu coñecemento e experiencia con novos propelentes para foguetes.[10] O seu traballo derivou en Hydyne e o primeiro voo de proba cun foguete de Redstone tivo lugar o 29 de novembro de 1956.[11]
En 1957, a Unión Soviética e os EE. UU. tiñan como obxectivo poñer os satélites en órbita ao redor da Terra con motivo da celebración do Ano Internacional da Xeofísica. [12] Para este esforzo internacional, o proxecto dos Estados Unidos chamouse Proxecto Vanguard . A Unión Soviética logrou pór en órbita a Sputnik o 4 de outubro de 1957, evento que pronto foi sucedido pola desastrosa explosión do foguete Vanguard. Grazas ao novo propelente conseguiuse pór en órbita o primeiro satélite norteamericano, Explorer I, o 31 de xaneiro de 1958. [8]
Despois dos programas Jupiter-C e Juno I, os Estados Unidos cambiaron estes combustibles por outros máis potentes. [13] [14]
O nome Hydyne[editar | editar a fonte]
Hydyne-LOX (osíxeno líquido) foi a combinación de propelentes usada no foguete de Redstone. O exército elixiu usar a versión curta de Hydyne. [6] [15] Unha mestura de 60% de dimetilhidrazina asimétrica (UDMH) e 40% de dietilenetriamina (DETA).[16] Era máis potente que o etanol, pero moito máis tóxico.[17] .
Legado[editar | editar a fonte]
George, un dos fillos de Mary, quedou sorprendido ao descubrir a importancia do traballo da súa nai. Investigou a historia de Mary a fondo despois de que o xornal Los Angeles Times negásese a publicar a súa necrolóxica, alegando que non había confirmación dos feitos presentados.
Esta investigación converteuse nunha obra de teatro, posta en escena en Caltech en 2008 [5] e publicada en forma de libro en 2013, chamada Rocket Girl: The Story of Mary Sherman Morgan, America's First Female Rocket. [1]
Notas[editar | editar a fonte]
- ↑ 1,0 1,1 1,2 1,3 1,4 Morgan, George D.; with Ashley Phd Stroupe. Rocket Girl: The Story of Mary Sherman Morgan, America's First Female Rocket Scientist, Prometheus Books, 2013, ISBN 1616147393, ISBN 978-1616147396.
- ↑ "Mary Sherman Morgan, la primera científica de cohetes". Nobbot (en castelán). 2019-05-30. Consultado o 2021-04-05.
- ↑ "Mary Sherman Morgan, ingeniera química". Mujeres con ciencia (en castelán). 2016-11-04. Consultado o 2021-04-05.
- ↑ Lorenzo, Nieves; Iglesias, Encina Calvo (2020-04-18). "Ellas nos llevaron a la Luna". Ciencia, Técnica y Mainstreaming Social (en castelán) 0 (4): 61–68. ISSN 2530-7924. doi:10.4995/citecma.2020.12764.
- ↑ 5,0 5,1 Lisa Michalski (ed.). "An Unsung Heroine of the Space Age America's first female rocket scientist-her story finally told". Arquivado dende o orixinal o 20 de decembro de 2016. Consultado o 05 de abril de 2021.
- ↑ 6,0 6,1 Lerner, Preston, "Soundings: She Put The High In Hydyne". Air & Space Smithsonian Magazine, febreiro/marzo2009, Vol.23, No.6, pp.10, ISSN 0886-2257.
- ↑ Draxler, Breanna. "Rocket Girl" (revisión do libro), Discover (magazine), xullo–agosto 2013, p. 25.
- ↑ 8,0 8,1 8,2 Morgan, George. America's First Lady of Rocketry, Caltech News, California Institute of Technology, Vol.42, No.1.
- ↑ Robert S. Kraemer & Vince Wheelock: “Rocketdyne: powering humans into space”. American Institute of Aeronautics and Astronautics. 2006, pp. 43–44.
- ↑ Missiles and Rockets. xaneiro de 1958.
Alcumado Hydyne, o combustible aumenta o pulo e o alcance dos foguetes un 12% máis que o combustible tradicional para foguetes Redstone. O Dr. Jacob Silverman, supervisor da unidade de investigación de termodinámica da propulsión e líder no desenvolvemento de Hydyne, comezou a traballar no composto en 1956. O problema que se lles expuxo a Silverman e aos enxeñeiros químicos da empresa foi desenvolver un combustible que aumentase o rendemento e puidese ser un substituto do etanol, que se adoita queimar nos motores Redstone
- ↑ History of the Redstone Missile System Arquivado 22 de agosto de 2013 en Wayback Machine., p. 60
- ↑ Dickson, Paul: “Sputnik, The Shock of the Century”. Walker & Company. 2001
- ↑ History of the Redstone Missile System, p. 166
- ↑ NASA. The Mercury-Redstone Project, p. 3-2, 4-42.
- ↑ Morgan, George D. Rocket Girl: A play about the life of America's first female rocket scientist Mary Sherman Morgan Arquivado 26 de novembro de 2013 en Wayback Machine., NevadaBelle.com website, novembro 2008.
- ↑ The Mercury-Redstone Project, p. 2-2.
- ↑ The Mercury-Redstone Project, p. 3-2, 4-42.
Véxase tamén[editar | editar a fonte]
Bibliografía[editar | editar a fonte]
- George D. Morgan, Rocket Girl. A historia de Mary Sherman Morgan, Prometheus Books, 2013. ISBN 9781616147396
- Lorenzo, Nieves; Iglesias, Encina Calvo (2020-04-18). "Ellas nos llevaron a la Luna". Ciencia, Técnica y Mainstreaming Social (en castelán) 0 (4): 61–68. ISSN 2530-7924.
- Elas, levarónnos ao espazo. 2022 ISBN: 978-84-8158-952-8
