Luís López Alonso

Luís López Alonso
	;
Biografía
Nacemento	23 de febreiro de 1977 (47 anos); Sarria, España
Datos persoais
País de nacionalidade	España
Educación	Universidade de Santiago de Compostela ; Universidade de Vigo
Actividade
Ocupación	farmacéutico , escritor
Lingua	Lingua galega

Luís López Alonso, nado en Sarria o 23 de febreiro de 1977, é un farmacéutico, lingüista e escritor galego.

Traxectoria[editar | editar a fonte]

Licenciado en Farmacia pola Universidade de Santiago de Compostela, graduado en Ciencias da Linguaxe e Estudos Literarios e mestrado en Lingüística Aplicada pola Universidade de Vigo. Após deixar de traballar como boticario, desde o ano 2022 é profesor e investigador en formación do departamento de Tradución e Lingüística Xeral da Universidade de Vigo e membro do grupo de investigación GRADES (Gramática, Discurso e Sociedade). O seu campo de investigación céntrase na sociolingüística crítica e na teoría literaria.

É membro fundador do grupo poético lucense das Lupercais. Colabora en Revista dos tr3sreinos, O Pazo das Musas, Xistral e Grial e intervencións e actividades poéticas como a residencia itinerante internacional Ámeto mítico da Fundación Uxío Novoneira ou a residencia internacional Rosalía en camiño da Fundación Rosalía de Castro.

Creou e guionizou as dúas tempadas da serie televisiva de animación Cocorico, baseada no libro infantil homónimo de Marisa Núñez e Helga Bansch.