Lipdub
Lipdub ou lip dub (do inglés "dobraxe de beizos") é unha realización dun vídeo musical realizado por un grupo de persoas que sincroniza os seus beizos, xestos e movementos cunha canción popular ou calquera outra fonte musical. Adóitase realizar nunha soa toma (plano secuencia), na que os participantes fan playback mentres soa a música nun reprodutor móbil, sen importar a calidade do son da toma porque é na edición posterior cando se incorpora a canción como banda sonora. O feito de que se trate dun plano secuencia fai moi sinxelo o proceso. Con estes vídeos, os seus autores, amais de realizaren de xeito colectivo unha experiencia creativa, moi divertida e sen complicacións técnicas, adoitan tratar de mostrar o bo ambiente nunha institución determinada: universidade, empresa etc.
Actualmente o récord mundial de máis xente participando nun lip dub é o LipDub per la independència[1][2] , realizado o 24 de outubro de 2010 na cidade de Vic. Participaron 5.771 persoas, segundo a World Records Academy. A canción escollida foi La Flama, do grupo Obrint Pas.[3]
Características[editar | editar a fonte]
Tom Johnson, un blogueiro especialista en tecnoloxía e comunicación, describiu que as características mínimas que debía que ter un bo lip dub eran:[4]
- Espontaneidade: É a característica máis importante. Non se trata de algo preparado nin con decorados.
- Autenticidade: A xente e as situacións deben semellar reais.
- Participativo: O vídeo mostra un grupo de persoas facendo un esforzo colectivo.
- Humor: a xente mostra unha actitude divertida.
A parte disto, para poder cualificado de lip dub, un vídeo respectará certas regras:
- ser rodado nun só plano secuencia;
- posuír unha ou varias cancións, orixinais ou reinterpretadas;
- mostrar unha ou diversas persoas cantando a canción;
Orixe[editar | editar a fonte]
Jakob Lodwick, o fundador de Vimeo, encuñaba o termo lip dubbing (dobraxe de labios) o 14 de decembro de 2006, nun vídeo titulado Lip Dubbing: Endless Dream[5]. Na descrición do vídeo, escribiu, "Ía paseando cunha canción soando nos meus auriculares, e graveime a min mesmo cantando. Cando cheguei á casa, abrino co iMovie e engadinlle un Mp3 da canción orixinal, e sincroniceino co meu vídeo. Hai un nome pra isto? Se non hai, suxiro lip dubbing."
Notas[editar | editar a fonte]
- ↑ Páxina web oficial do Lip dub per la independència
- ↑ "Un 'lipdub' por la independencia rodado en Vic registra el récord mundial de participación". Arquivado dende o orixinal o 12 de setembro de 2019. Consultado o 30 de outubro de 2010.
- ↑ (Ver vídeo)
- ↑ Tom Johnson (5/06/2007). "Captures dun videoclip de lip dub — Espontaneidade, Autenticidade, Participación, Diversión" (en inglés). Consultado o 12/03/2010.
- ↑ "Copia arquivada". Arquivado dende o orixinal o 30 de marzo de 2010. Consultado o 04 de maio de 2010.