Dolby Theatre

Dolby Theatre
Fachada do Dolby Theatre en Hollywood
Coordenadas	34°06′10″N 118°20′25″O
[ editar datos en Wikidata ]

O Dolby Theatre (antigamente coñecido como Kodak Theatre) é un auditorio para espectáculos e un complexo de entretemento localizado no Hollywood Boulevard da Avenida North Highland, no distrito de Hollywood da cidade dos Ánxeles, Estados Unidos. Dende a súa inauguración o 9 de novembro de 2001, o teatro acolleu as cerimonias dos Premios Óscar, sendo a sede por vez primeira en marzo de 2002. É a primeira casa permanente da cerimonia de premios anuais.

Deseño

O teatro foi deseñado especificamente para esta cerimonia polo estudio Rockwell Group, pertencente ó arquitecto David Rockwell. O seu deseño está pensado para facilitar as transmisións en vivo dende o gran recinto sen a mínima intromisión para a audiencia. Ten capacidade para máis de 3.400 persoas, divididos entre a platea e os tres niveis de balcóns, e é un dos meirandes escenarios dos Estados Unidos (36,5 x 27,5 m). A sala de prensa situada detrás do escenario ten capacidade para máis de 1.500 xornalistas.

A entrada ó teatro está franqueada por columnas nas que se amosan os filmes que acadaron o premio na categoría de Mellor filme dende 1928, e con algúns espazos baleiros para futuros filmes gañadores do premio.

Véxase tamén

Ligazóns externas

• Páxina oficial Dolby Theatre (en inglés)