Katia Ogonek

Katia Ogonek

Biografía
Nacemento	17 de maio de 1977 Dzhubga, Rusia (en)
Morte	24 de outubro de 2007 (30 anos) Moscova, Rusia
Causa da morte	Cirrose hepática
Lugar de sepultura	Nikolo-Arkhangelskoe Cemetery (en)
Datos persoais
País de nacionalidade	Unión Soviética Rusia
Actividade
Ocupación	cantante
Xénero artístico	Russian chanson (en)
Lingua	Lingua rusa
Instrumento	Voz
Lista cirrose hepática

Katia Ogonek (en ruso Ка́тя Огонёк), nada como Kristina Evgenevna Penkhasova (Кристи́на Евге́ньевна Пенха́сова) en Dzhubga o 17 de marzo de 1977 e finada en Moscova o 24 de outubro de 2007, foi unha cantante rusa, intérprete de chanson rusa.

Traxectoria

Naceu nunha vila de Krasnodar nunha familia de artistas, súa nai, Tamara Ivanova, era bailarina e seu pai, Evgenii Semenovich, era músico e chegou a colaborar co conxunto Samotsvety. Katia pasou a maior parte da súa infancia en Kislovodsk. Con dezaseis anos marchou a Moscova para probar sorte no mundo da canción, o compositor Alexander Shaganov escribiulle os seus primeiros temas, e así en 1995 saíu o seu primeiro álbum en formato casete, Ia ne malenkaia. Durante un tempo colaborou co grupo Lesopoval de Mikhail Tanich. En 1998 co pseudónimo de Masha Sha dous álbums, Misha+Misha=Sha e Misha-Sha - Rezinovii Vaniusha, diferente do resto da súa discografía pola súa énfase nos temas sexuais e polo lado máis escabroso das relacións entre homes e mulleres. Nese ano gravou outros dous álbums Belaia Taiga I e Belaia Taiga II pero xa co pseudónimo que empregou ata a súa morte, as cancións son do ámbito da chanson rusa, a maioría cancións de convictos, sobre amor e separación, soidade, fidelidade; na época este tipo de cancións eran moi populares e demandadas pero os intérpretes eran homes; Katia cantounas dende a perspectiva feminina dun xeito conmovedor e estes dous álbums foron o comezo do seu éxito. En 2000 saíron Zvonkom iz zoni e Chrez Goda, esta última incluía a canción "Zhigan" cun heroe que acabaría por se converter no heroe favorito das súas cancións.