Junta de Andalucía
A Junta de Andalucía é a institución na que se organiza o goberno da Comunidade Autónoma de Andalucía. Está integrada polo Parlamento de Andalucía, a Presidencia da Junta de Andalucía e polo Consello de Goberno da Junta de Andalucía.
Os presupostos do ano 2010 ascenden a 33.737.7 millóns de euros[1] e posúe máis de 200.000 empregados directos.
No 2010, o Presidente da Junta de Andalucía é José Antonio Griñán, pertencente ao Partido Socialista Obrero Español (PSOE). Na Junta goberna o PSOE desde a creación da primeira junta preautonómica o 27 de maio de 1978, cando Plácido Fernández Viagas chegou a presidencia en detrimento de Jaime García Añoveros, de UCD. A presencia do PSOE na presidencia é polo tanto anterior á autonomía de Andalucía e esténdese ao longo de 32 anos e 6 presidencias distintas.
Segundo os últimos barómetros de opinión pública en Andalucía (2009), a intención de voto entre os dous principais partidos españois está bastante nivelada cun 43,2% de votos para o Partido Popular fronte ao 41,6% do PSOE.[2]
Índice |
Símbolo [editar]
Símbolo xenérico da Junta de Andalucía
O símbolo xenérico é unha síntese do escudo, con atributos de modernidade e dinamismo. Contén de xeito sintético, os elementos que definen o escudo de Andalucía:
- A Bandeira en forma de arco de medio punto, expándese converténdose en ondas que se proxectan cara o exterior.
- Hércules concentrase nun triángulo, figura estética, que como un compás apunta ao norte.
Con esta simboloxía representase a nova Andalucía de progreso, en movemento e en comunicación directa cos cidadáns, estando tamén presente nos Organismos, Entidades e Empresas Públicas que xestiona ou nos que participa, así como no patrimonio que mantén, facendo patente a súa acción de goberno.[3]
Institucións [editar]
Parlamento [editar]
- Artigo principal: Parlamento de Andalucía.
O Parlamento de Andalucía é Asemblea Lexislativa da Comunidade Autónoma, á quen corresponde a elaboración e aprobación das Leis e a elección e cese do Presidente da Junta de Andalucía. Está composto por deputados elixidos mediante sufraxio universal directo, os cales representan ao pobo andaluz.[4] O Parlamento de Andalucía constituíuse por primeira vez no 1982, tras a aprobación do Estatuto de Autonomía en 1981. A actual sede está no antigo Hospital de las Cinco Llagas en Sevilla.
Presidente [editar]
O Presidente da Junta de Andalucía é o supremo representante da Comunidade Autónoma e o representante ordinario do Estado na mesma; a súa elección ten lugar polo voto favorable da maioría absoluta do Pleno do Parlamento de Andalucía e o seu nomeamento correspóndelle ó rei.
Consejo de Gobierno [editar]
O Consejo de Gobierno é o órgano político e administrativo superior da Comunidade, ao que corresponde o exercicio da potestade regulamentaria e o desenvolvemento da función executiva e administrativa da Junta de Andalucía. Está composto polo Presidente da Junta de Andalucía, quen o preside, e polos Consejeros nomeados por el para facerse cargo das diversas Consejerías.
Reúnense habitualmente os martes de todas as semanas. [5]
Consejerías [editar]
Na lexislatura (2008-2012) a Junta de Andalucía está composta por as seguintes 13 Consejerías, ordeadas por prelación:[6]
O primeiro Consejo de Gobierno formouse o 24 de abril do 2009 tras a dimisión do anterior presidente da Junta.
 Composición do Consello de Goberno da Junta de Andalucía - VIII Lexislatura  |
||
|---|---|---|
| Consellería | Conselleiro | Competencias |
| Presidente da Junta de Andalucía | José Antonio Griñán Martínez |
|
| Consejería de la Presidencia |
María del Mar Moreno Ruiz | Asistencia política, técnica e xurídica do Presidente e do Goberno, protocolo, xestión económica da Presidencia, comunicación, BOJA[7] |
| Consejería de Gobernación y Justicia |
Luis Pizarro Medina | Coordinación da acción do Consejo en materia de seguridade e servizos de emerxencias, eleccións e consultas, espectáculos e actividades recreativas, voluntariado, drogodependencias, protección de animais[8] |
| Consejería de Hacienda y Administración Pública |
Carmen Martínez Aguayo | Política económica e financeira, programación, seguimento, avaliación, coordinación e verificación das actuacións de contido económico e financeiro, entre estas os Presupostos da Junta[9] |
| Consejería de Educación |
Francisco Álvarez de la Chica | Educación infantil, primaria e secundaria, formación profesional[10] |
| Consejería de Economía, Innovación y Ciencia |
Antonio Ávila Cano | Educación superior, investigación científica e innovación tecnolóxica, axuda ás empresas para I+D, sociedade da información, industria, enerxía, miñas, cooperativas, incentivos rexionais e tecnolóxicos, cooperación económica e desenvolvemento de mercados[11] |
| Consejería de Obras Públicas y Vivienda |
Rosa Aguilar Rivero | Obras públicas, infraestruturas e organización de transporte por estrada, ferroviario, marítimo e aéreo[12] |
| Consejería de Empleo |
Manuel Recio Menéndez | Relacións laborais, seguridade e sanidade no traballo, tutela do Servicio Andaluz de Empleo, políticas de autoemprego, rede de UTEDLT [13] |
| Consejería de Salud |
María Jesús Montero Cuadrado | Sanidade e hixiene pública, hospitais e consumo[14] |
| Consejería de Agricultura y Pesca |
Clara Eugenia Aguilera García | Agricultura, gandería, agroalimentación, desenvolvemento rural e pesca, acuicultura e investigación agropecuaria[15] |
| Consejería de Turismo, Comercio y Deporte |
Luciano Alonso Alonso | Planificación, promoción e desenvolvemento do turismo, comercio, artesanía e deporte[16] |
| Consejería para la Igualdad y Bienestar Social |
Micaela Navarro Garzón | Familia, terceira idade, discapacitados, integración social, prestacións non contributivas e asistencia social, igualdade de trato e oportunidades[17] |
| Consejería de Cultura |
Paulino Plata Cánovas | Arte e cultura, patrimonio histórico - bibliográfico - sonoro - imaxe, museos[18] |
| Consejería de Medio Ambiente |
José Juan Díaz Trillo | Protección do medio ambiente, auga, espazos naturais, vías pecuarias, montes públicos, cotos de caza e control cinegético[19] |
| Fuente: Junta de Andalucía | ||
Defensor del Pueblo Andaluz [editar]
O Defensor del Pueblo Andaluz é unha institución cuxa misión principal é a protección e defensa en Andalucía dos Dereitos e Liberdades establecidos no primeiro título da Constitución española. Para isto ten a potestade de inspeccionar aos concellos, ás deputacións provinciais así coma á Junta de Andalucía. O Defensor del Pueblo Andaluz é elixido polo Parlamento de Andalucía para desenvolver as súas funcións durante cinco anos, período que pode renovado.
Consejo Consultivo [editar]
O Consejo Consultivo de Andalucía é o órgano superior consultivo do Consejo de Gobierno e da Administración de la Junta de Andalucía, incluídos os seus organismos. Así mesmo, é o órgano supremo de asesoramento das entidades locais e dos organismos e entes de dereito público das dependentes, así coma das universidades públicas andaluzas.[20]
Consejo Audiovisual de Andalucía [editar]
O Consejo Audiovisual é a autoridade audiovisual independente encargada de velar polo respecto dos dereitos, liberades e valores constitucionais e estatutarios nos medios audiovisuais, tanto públicos coma privados dentro de Andalucía, así coma do cumprimento da normativa vixente en materia audiovisual e de publicidade. [21]
Presidentes da Junta [editar]
| Lista de Presidentes da Junta de Andalucía desde 1978 |
|||
|---|---|---|---|
| Período | Presidente | Observacións | |
| Nome | Partido | ||
| 1978-1979 | Plácido Fernández Viagas | PSOE | Junta Preautonómica[22] - Dimite en abril de 1979 |
| 1979-1982 | Rafael Escuredo | PSOE | Junta Preautonómica |
| 1982-1984 | Rafael Escuredo | PSOE | I Lexislatura - Dimite o 17 de febreiro de 1984 |
| 1984-1986 | José Rodríguez de la Borbolla | PSOE | I Lexislatura |
| 1986-1990 | José Rodríguez de la Borbolla | PSOE | II Lexislatura |
| 1990-1994 | Manuel Chaves | PSOE | III Lexislatura |
| 1994-1996 | Manuel Chaves | PSOE | IV Lexislatura |
| 1996-2000 | Manuel Chaves | PSOE | V Lexislatura |
| 2000-2004 | Manuel Chaves | PSOE | VI Legislatura |
| 2004-2008 | Manuel Chaves | PSOE | VII Lexislatura |
| 2008-2009 | Manuel Chaves | PSOE | VIII Lexislatura - Dimite o 7 de abril de 2009 |
| 2009 | Gaspar Zarrías | PSOE | VIII En funcións |
| 2009-2012 | José Antonio Griñán | PSOE | VIII Lexislatura |
| 2012- | ?? | IX Lexislatura | |
| Fonte: Junta de Andalucía | |||
Notas [editar]
- ↑ Web da Junta de Andalucía, presupostos de 2010, os primeiros nos que se reduce o seu montante respecto do ano anterior
- ↑ http://www.elpais.com/articulo/espana/PP/supera/intencion/voto/PSOE/Andalucia/elpepuesp/20100115elpepunac_8/Tes%7CNoticia de El País onde se resumen as conclusións do Barómetro da opinión publica 2009
- ↑ Junta de Andalucía - Consejería de la Presidencia - Manual de identidad Corporativa
- ↑ «El Parlamento de Andalucía representa al pueblo andaluz», Estatuto de Autonomía de Andalucía, 2007, Título IV, Capítulo I, artículo 100. Fuente: Junta de Andalucía.
- ↑ http://www.juntadeandalucia.es/SP/JDA/CDA/Secciones/Consejo_de_Gobierno/JDA-CDA_Eleccion_Consejo/0,20323,2008,00
- ↑ http://www.juntadeandalucia.es/SP/JDA/CDA/Secciones/Consejerias/JDA-Intermedia;jsessionid=DFCF916AC8A5EA43272E8CC3196145D5
- ↑ Fuente: Consejería de la Presidencia.
- ↑ Fuente: Consejería de Gobernación.
- ↑ Fuente: Consejería de Economía y Hacienda.
- ↑ Fuente: Consejería de Educación.
- ↑ Fuente: Consejería de Innovación, Ciencia y Empresa.
- ↑ Fuente: Consejería de Obras Públicas y Transportes.
- ↑ Fuente: Consejería de Empleo.
- ↑ Fuente: Consejería de Salud.
- ↑ Fuente: Consejería de Agricultura y Pesca.
- ↑ Fuente: Consejería de Turismo, Comercio y Deporte.
- ↑ Fuente: Consejería para la Igualdad y Bienestar Social.
- ↑ Fuente: Consejería de Cultura.
- ↑ Consejería de Medio Ambiente.
- ↑ Art. 129 del Estatuto de Autonomía de Andalucía
- ↑ Art. 131 del Estatuto de Autonomía de Andalucía
- ↑ Período preautonómico: Antes da adopción do Estatuto de Autonomía de Andalucía en outubro de 1981.
